Английн “Премьер лиг”-ийн 25 дугаар тойрогт Мерсисайдын дерби болж, зочин баг 2:0-ийн харьцаатай яллаа. Ийнхүү “Ливерпуль” лигтээ 1923 оны арванхоёрдугаар сараас хойш анх удаа “Энфильд” цэнгэлдэхдээ дөрөв дараалж ялагдсан төдийгүй 1928-1929 оноос хойш талбайдаа дөрөв дараалан хожигдсон Английн анхны аварга баг боллоо. Тэд лигийн сүүлийн зургаан тоглолтдоо дөрвөн удаа хожигдож, хоёр тэнцсэн төдийгүй дөнгөж хоёр гоол оруулав. Түүнчлэн 1999 оноос хойш анх удаа “Эвертон”-д талбайдаа хожигджээ. Европын лигүүдийн хүрээнд хамгийн олон жил үргэлжилсэн дерби тоглолтын давамгайлал ийн төгсгөл болов. Эл ялагдлын уршгаар өнгөрсөн жилийн аваргууд хүснэгтийн зургадугаар байр луу ухарлаа.
Бэлтгэсэн: Э.Манлайбаатар
