МУИС-ийн номын санд цахимаар зочлох боломж бүрджээ. Уг номын сангаар “аялахыг” хүсвэл library.num.edu.mn цахим хуудсанд зочлон, “360 виртуал аялал” цэсийг сонгох ёстой. Ингэснээр бүх уншлагын танхим, тасалгаатай танилцах боломжтой аж. Олон улсын стандартад нийцсэн, зургаан давхар, 700 оюутан зэрэг үйлчлүүлэх хүчин чадалтай тус номын сангийн барилгыг 2017 онд ашиглалтад оруулсан. Одоогоор байгалийн болон нийгмийн шинжлэх ухааны, багш, судлаачдын, цахим гэх мэтээр төрөлжүүлсэн уншлагын танхимтай, архив, ном сэргээн засах хэсэгтэй гэнэ. Мөн хэвлэмэл болон цахим 360 000 гаруй ном, сонин, сэтгүүлтэй юм байна.
Бэлтгэсэн:М.Оч
