Сайн малчдад олгох шагналыг тодорхойгүй хугацаагаар хойшлууллаа

Засгийн газраас жил бүр сар шинийн баяраар Улсын сайн малчдыг тодруулан шагналыг Засгийн газрын гишүүд малчны хотонд нь очиж гардуулдаг уламжлалтай.

Тэгвэл энэ жил коронавирусийн халдварын тархалтаас сэргийлэх зорилгоор Улсын сайн малчдын шагналыг тодорхойгүй хугацаагаар хойшлуулах Засгийн газрын тогтоол гарсан. Засгийн газрын гишүүд малчдад шагнал гардуулах ямар нэг арга хэмжээнд оролцохгүй гэсэн шийдвэр гарсныг ОБЕГ-ын дарга, Бригадын генерал  Т.Бадрал өнөөдөр танилцуулав.