Цаг агаарын байгууллагаас 2019 оны дөрөвдүгээр сарын 22-ноос 29-нийг хүртэлх долоо хоногийн цаг агаарын урьдчилсан төлөв байдлыг танилцуулжээ. Тус мэдээнд дурдсанаар 23-нд говь талын нутгаар салхи шуургатай, 25-наас ихэнх нутгаар далаарах гэнэ.
Баруун аймгуудын нутгаар: 23-нд Хангайн уулархаг нутгаар, 28-нд нутгийн баруун хэсгээр бага зэргийн хур тунадас орно. Бусад хугацаанд хур тунадас орохгүй. Салхи 25-нд Алтайн салбар уулсаар, 27, 28-нд зарим газраар түр зуур 16-18 м/с хүртэл ширүүсч шороон шуурга шуурна. Агаарын температур 24-нөөс дулаарч Алтай, Хангайн уулархаг нутгаар шөнөдөө 0-5 градус хүйтэн, өдөртөө 9-14 градус дулаан, Алтайн өвөр говиор шөнөдөө 9-14 градус, өдөртөө 21-26 градус дулаан, бусад нутгаар шөнөдөө 3 градус дулаанаас 2 градус хүйтэн, өдөртөө 15-20 градус дулаан байна.
Төвийн аймгуудын нутгаар: 23-нд Хангайн уулархаг нутгаар, 24-нд Хангай, Хөвсгөлийн уулархаг нутгаар, 25-нд нутгийн зүүн хэсгээр, 27-нд нутгийн зарим газраар бага зэргийн хур тунадас орно. Салхи 28-нд зарим газраар 14-16 м/с хүртэл ширүүсч шороон шуурга шуурна. Бусад хугацаанд 5-10 м/с. Агаарын температур 25-наас дулаарч Дархадын хотгор, Хангай, Хөвсгөл, Хэнтэйн уулархаг нутгаар шөнөдөө 1-6 градус хүйтэн, өдөртөө 9-14 градус дулаан, бусад нутгаар шөнөдөө 2 градус дулаанаас 3 градус хүйтэн, өдөртөө 15-20 градус дулаан байна.
Зүүн аймгуудын нутгаар: Бүх хугацаанд хур тунадас орохгүй. Салхи 23, 28-нд зарим газраар түр зуур 16-18 м/с хүртэл ширүүсч шороон шуурга шуурна. Бусад хугацаанд 6-11 м/с. Агаарын температур 23-25-нд Хэнтэйн уулархаг нутгаар шөнөдөө 4-9 градус хүйтэн, өдөртөө 6-11 градус дулаан, бусад нутгаар шөндөө 1 градус дулаанаас 4 градус хүйтэн, өдөртөө 10-15 градус дулаан байна. 26-наас дулаарна
Говийн аймгуудын нутгаар: 23-нд нутгийн хойд хэсгээр, 24-нд зарим газраар бага зэргийн хур тунадас орно. Бусад хугацаанд хур тунадас орохгүй. Салхи 23, 27, 28-нд зарим газраар, 25-нд нутгийн зүүн хэсгээр түр зуур 16-18 м/с хүртэл ширүүсч шороон шуурга шуурна. Агаарын температур 25-наас дулаарч нутгийн өмнөд хэсгээр шөнөдөө 8-13 градус, өдөртөө 21-26 градус, нутгийн хойд хэсгээр шөнөдөө 0-5 градус, өдөртөө 15-20 градус дулаан байна.
