Хан-Уул дүүргийн 16 наснаас дээш хүүхэд залуучуудын цагийг зөв боловсон үр дүнтэй өнгөрүүлэх, спортоор хичээллэх сонирхолтой залуучуудын бие бялдрын болон оюун санааны өв тэгш хүмүүжил олгох зорилгоор “Хан-Уул” клубын нэрэмжит сонирхогчдын футзалны аварга шалгаруулах тэмцээний нээлт зохион байгуулах гэж байна. Тэмцээн 2018 оны арваннэгдүгээр сарын 10-ны өдөр Сүлд спорт хорооны зааланд 12.00 цагт болно. Тэмцээнд нийслэл, орон нутгийн хөлбөмбөгийн тэмцээнд тасралтгүй амжилттай оролцдог, үндэсний лигийн болон шигшээ багийн тамирчид оролцоно.
