Өнөөдөр баруун болон төвийн аймгуудын нутгийн хойд хэсэг, маргааш баруун, төв, зүүн аймгийн ихэнх нутгаар, 6-нд төв, зүүн, говийн бүс нутгаар дуу цахилгаантай бороо орох гэнэ. Энэ сарын 4-6-ныг хүртэл ихэнх нутгаар салхи секундэд 16-18 метр хүрч ширүүсэх аж. Маргааш ихэнх нутгаар, нөгөөдөр нутгийн зүүн хагаст сэрүүсэн, Дархадын хотгор, Алтай, Хангай, Хөвсгөл, Хэнтийн уулархаг нутаг, Хүрэн бэлчир, Идэр, Тэс голын хөндийгөөр шөнөдөө гурван градус хүйтнээс хоёр градус дулаан, өдөртөө 7-12 градус дулаан байх нь. Говийн бүс нутгийн өмнөд хэсгээр шөнөдөө 10-15, өдөртөө 21-26 градус, бусад нутгаар өдөртөө 12-17 градус дулаан байх гэнэ. Нутгийн баруун хэсгээр 3-4-нд шилжих шөнө, газар тариалангийн бүс нутгаар 5-6-нд цочир хүйтрэх юм байна.
Бэлтгэсэн: Ч.Туяа
