Б.Батманлай УИХ-ын ХМОНХГ-ын даргын үүргийг гүйцэтгэж байна
УИХ-ын Хэвлэл мэдээлэл, олон нийттэй харилцах газар одоогоор албан ёсны даргагүй байгаа аж. Уг албан тушаалд УИХ-ын гишүүн асан З.Алтайн охин А.Энхзулыг өнгөрсөн оны гуравдугаар сард томилсон билээ. Тэгвэл тэрбээр уг ажлаа өнгөрсөн арваннэгдүгээр сард хүлээлгэн өгсөн аж. Түүнийг удахгүй болох сонгуульд нэрээ дэвшүүлнэ гэсэн мэдээлэл байна. Тиймээс эдүгээ УИХ-ын ХМОНХГ-ын даргын үүргийг Мэдээлэл, сурталчилгааны хэлтсийн дарга Б.Батманлай хавсран гүйцэтгэж буй юм байна
2024-02-14
УИХ-ын дарга Киргиз, Унгар улсад айлчилна
УИХ-ын дарга Г.Занданшатар энэ сард Бүгд Найрамдах Киргиз, ирэх сарын эхээр Унгар Улсад айлчлах нь. Уг айлчлалыг оны эхээр товлосон ч хойшлуулж, энэ сард хийхээр болсон юм байна. Илүү тодорхой мэдээлэл хараахан гараагүй байгаа аж. Монгол, Киргиз улсын хувьд төрийн өндөр дээд хэмжээний айлчлал харьцангуй ойрхон хийж буй. Өнгөрсөн оны долоодугаар сарын 9-11-нд Ерөнхийлөгч У.Хүрэлсүхийн урилгаар тус улсын Төрийн тэргүүн С.Н.Жапаров Монголд албан ёсны айлчлал хийсэн нь Ерөнхийлөгчийн хувиар 21 жилийн дараа зочилсон явдал болсон юм. Мөн өнгөрсөн аравдугаар сард Ерөнхий сайд Л.Оюун-Эрдэнэ тус улсад айлчилсан
2024-02-14
УИХ-ын дарга Г.Занданшатар ХБНГУ-ын Ерөнхийлөгч Франк-Вальтер Штайнмайэрт бараалхлаа
Улсын Их Хурлын дарга Г.Занданшатар Монгол Улсад өрнөсөн ардчилал, шилжилтийн үеийн сорилтуудыг давах, парламентын ардчиллыг төлөвшүүлэх, шинэ Үндсэн хууль боловсруулах үйл хэрэгт Герман мэргэжилтнүүд, ХБНГУ-аас тууштай дэмжлэг үзүүлж ирсэнд талархал илэрхийлээд хоёр улсын харилцаа Стратегийн түншлэлийн түвшинд хүрч өргөжиж буйд Монголын ард түмэн баяртай байна гэв.
2024-02-08
ИЗНН-аас дотоод нөхөн сонгууль явуулна
Иргэний зориг ногоон намаас Үндэсний хороо, Улс төрийн зөвлөл, нийслэл, дүүргийн хороодынхоо сонгуульт гишүүний нөхөн сонгуулийг ирэх сард зохион байгуулахаар болжээ. Улмаар нэрээ дэвшүүлэх хүсэлтэй хүмүүсийг бүртгэж эхэлсэн байна. Татвараа төлөөгүй гишүүдийн оронд нөхөн сонгууль явуулахаар тус намын дүрэмд заасан байдаг аж. ИЗНН-ын сонгуульт гишүүд шатлалаасаа хамаараад өөр татвар төлдөг гэнэ
2024-02-08
Ж.Батбаясгалан хуулийн цоорхой ашиглаж, газар олгов уу?
Монгол Улсын иргэнд газар өмчлүүлэх тухай хуулийг 2002 онд баталж, 2003 оноос газар олгож эхэлсэн. 2003-2022 онд гэхэд нийслэлд 205,531 иргэн газар өмчилжээ. Гэхдээ үе үеийн хотын мээрүүдийн хөлжих нэг гарц нь газар худалдах болоод удаж буй.
2024-02-08
Хамгийн олон горилогч өрсөлдөх сонгууль
УИХ-ын ес дэх удаагийн сонгуулиар бид түүхэндээ анх удаа парламентад 126 гишүүн сонгоно. Өмнөх найман сонгуульд 76 суудлын төлөө хамгийн олондоо 606 хүн нэрээ дэвшүүлэн өрсөлдөж байв. Тэгвэл суудлын тоо нэмэгдэхийн хэрээр нэрээ дэвшүүлэх горилогчдын тоо өсөх үү гэсэн асуулт гарна. Бид 126 гишүүний 78-ыг тойргоос, 48-ыг нь намын жагсаалтаар хувь тэнцүүлж сонгох учиртай. Холимог тогтолцоогоор зохион байгуулах хоёр дахь удаагийн уг сонгуульд гуравдагч хүчний намууд нийт сонгогчоос авах саналд буюу намын жагсаалтад найдаж буй нь нууц биш. Гэвч Сонгуулийн тухай хуулийн дагуу нэг нам багадаа 39 хүн тойрогт нэр дэвшүүлж байж хувь тэнцүүлсэн тогтолцоогоор ногдох эрхээ эдлэх боломж бүрдэх юм. 76 биш 126 мандатын төлөө нам, эвслүүд өрсөлдөх учир горилогчдын тоо нэмэгдэж, дээрх рекордыг эвдэж мэдэх нь
2024-02-08
Монгол, Германы харилцаа стратегийн түншлэлийн түвшинд хүрлээ
Ерөнхийлөгч У.Хүрэлсүхийн урилгаар ХБНГУ-ын Ерөнхийлөгч Франк-Вальтер Штайнмайэр гэргий Элке Бюденбендэрийн хамт Монгол Улсад төрийн айлчлал хийж байна. Энэ нь тус улсаас Ерөнхийлөгчийн түвшинд хийж буй дөрөв дэх айлчлал бөгөөд хоёр улсын хооронд дипломат харилцаа тогтоосны 50 жилийн ойн хүрээнд болж буй юм
2024-02-08
Ерөнхийлөгч нар хамтарсан мэдэгдэл хийлээ
ХБНГУ-ын Холбооны Ерөнхийлөгч Франк-Вальтер Штайнмайэр гэргийн хамт манай улсад хоёрдугаар сарын 7-8-ны өдрүүдэд айлчилж байна. Хоёр улсын Ерөнхийлөгч болон албаны хүмүүс Монгол Улс, ХБНГУ-ын харилцаа, хамтын ажиллагааны баримт бичигт гарын үсэг зурах ажиллагаанд оролцож, дараа нь хамтарсан мэдэгдэл хийлээ.
2024-02-07
Жендерийн тэгш байдлыг хангах хуулийн хангалтгүй хэрэгжилт
Монгол Улс 2011 онд Жендерийн эрх тэгш байдлыг хангах тухай хуультай болсон. Уг хуулийн дагуу Засгийн газар энэ чиглэлээр хэрэгжүүлж буй бодлого, үйл ажиллагааныхаа үр дүнг УИХ-д хоёр жил тутам тайлагнах ёстой. Гэвч дээрх хуулийг баталснаас хойш 10 жилийн дараа буюу 2021 онд анх удаа эл тайланг парламентаар хэлэлцүүлсэн байдаг. Улмаар өнгөрсөн оны сүүлчээр хоёр дахь удаагаа танилцуулахдаа жендерийн эрх тэгш байдлыг хангах бодлого, үйл ажиллагааны хэрэгжилт 50 хувь буюу “хэрэгжих шатанд байна” хэмээн үнэлжээ. Мөн анхны тайланг УИХ-ын Нийгмийн бодлогын байнгын хороогоор хэлэлцээд, хэрэгжилтийг нь сайжруулах зөвлөмжийг Засгийн газар, Ерөнхий сайдад хүргүүлсэн бөгөөд үүнийг 54 хувьтай буюу “эрчимжүүлэх шаардлагатай” гэж дүгнэсэн байна.
2024-02-07
Үндэсний цахим санг Ерөнхийлөгчийн нэрэмжит болгов
Үндэсний цахим сан буюу “Esan” системийг Ерөнхийлөгчийн Тамгын газраас дэмжиж, хамтран ажиллахаар болсон байна. Үүний хүрээнд дээрх санг Ерөнхийлөгчийн нэрэмжит болгожээ. “Esan” нь улс үндэстний түүх, соёлын өвийг хадгалах, түгээн дэлгэрүүлэх зорилготой. Ялангуяа хүүхэд, залууст тэгш хүртээмжтэй боловсрол эзэмших боломж олгодог билээ. Тухайлбал, 1-12 дугаар ангийн бүх сурах бичиг уг цахим санд бий бөгөөд хүүхдүүд үнэ төлбөргүй ашиглах боломжтой юм. “Esan” нь хамгийн дэвшилтэт технологи, хиймэл оюунд ухаанд суурилсан систем гэдгээрээ онцлогтой.
2024-02-07
