Э.Бат-Үүлийг хүүгийнх нь хамт хорилоо гэх мэдээ битүүний урьд оройноос эхлэн олон нийтийн сүлжээгээр төлбөртэйгөөр цацагдаж эхэлсэн билээ. Энэхүү гүтгэлэгт Э.Бат-Үүл өөрийн гэрээсээ гар утаснаасаа бичлэг хийн хариу өглөө. Тэрээр энэ худал мэдээ нь нэр бүхий хоёр facebook хуудаснаас sponsored буюу төлбөртэйгөөр цацагдсан болохыг баримтаар үзүүлээд энэ зохион байгуулалттай гүтгэлгийн зорилго нь маргааш битүүний орой болж хүмүүс цуглах үед зориуд ярианы сэдэв болгох гэсэн арга хэмээн тайлбарлав. Мөн энэхүү худал мэдээг төлбөртэй цацаж буй этгээдийг хуулийн байгууллагад шалгуулахаа мэдэгдлээ.
