Өнөөдөр гадаа 7 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 24-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 115 дахь өдөр бөгөөд он дуусахад 251 хоног үлдлээ.
- Цаг агаар өдөртөө 7 хэмийн дулаан бол шөнөдөө 4 градус хүйтэн байх нь ээ.
- Билгийн тооллын 16. Салхины эх одтой, шар морь өдөр. Өдрийн наран мандах, жаргах цаг нь 5:46-19:55. Тухайн өдөр бар, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба лусыг тахих, андгай тангараг, гэрээ, хэлцлээ буцаахад сайн. Гэр бүрэх, хэрүүл тэмцэл хийх, сэтгэлд сэвтэй газар очих, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3383.00 төгрөг, зарах нь 3387.00 төгрөг байна. Харин рублийн авах ханш 35.60, зарах ханш 36.10, юанийн авах ханш 468.60, зарах ханш 469.50, вонийн авах ханш 2.43, зарах ханш 2.45 төгрөг байна.
Өнөөдөр болох онцлох үйл явдлууд:
- 09.00 цагт: Засгийн газрын ээлжит хуралдаан Төрийн ордонд болно.
- 09.00-13.00 цагт: "Шинжлэх ухаан, технологийн шинэ сэргэлт: Судалгааны их сургууль" сэдэвт олон улсын эрдэм шинжилгээний хурал МУИС-ийн I байр Эрдмийн танхим (Дугуй заал)-д болно.
- УИХ-ын дарга Г.Занданшатарын урилгаар Бүгд Найрамдах Киргиз Улсын Жогорку Кенешийн дарга Нурланбек Шакиев Монгол Улсад албан ёсны айлчлал хийж байна.
- “World Ballet and Dance Grand Prix Mongolia -2024”-ийн Сонгодог урлагийн тэмцээн болно.
- 14:30-17:30 цагт Монгол-Вьетнамын бизнес эрхлэгчдийн В2В уулзалт форум МҮХАҮТ-д болно.
- Бангкок хотноо НҮБ-ын Ази, Номхон далайн эдийн засаг, нийгмийн комиссын 80 дугаар чуулган “Ази, Номхон далайн бүс нутгийн тогтвортой хөгжилд цахим инновацыг ашиглах нь” сэдвээр болно. Чуулганд Гадаад харилцааны сайд Б.Батцэцэг тэргүүтэй төлөөлөгчид оролцож байна.
Энэ өдөр дэлхийн түүхэнд:
- 1970 - Гамби улс Их Британиас тусгаар тогтнож, анхны Ерөнхийлөгчөөр Давда Жавара сонгогдов.
- 1980 - Ираны засаг захиргаа АНУ-ын ЭСЯ-ны ажилчдыг барьцаалсан үйл явдлыг дуусгах "Бүргэдийн савар" ажиллагаа бүтэлгүйтэж, ажиллагаанд оролцсон найман ажилтан амиа алджээ.
- 199 - Сибирийн яр өвчний улмаас 48 жилийн турш хорио цээр тогтоогоод байсан Шотландын Груйнард арал үүд хаалгаа нээв.
- 1996 -АНУ-ын засаг захиргаа Терроризмтай тэмцэх, үйлдсэн хэрэгт цаазын ял оноох тухай" хуулийг баталжээ.
- 2004 - АНУ Ливи улсад 18 жилийн турш тогтоогоод байсан эдийн засгийн хоргио цуцалжээ.
- 2005 - Дэлхий католик шашны тэргүүн Ромын пап ламаар Кардинал Йозеф Ратцингер сонгогдов. Католик шашны дэг ёсны түүхэнд папаар сонгогдсон 265 дахь эрхэм тэрээр сахилын нэрээ XVI Бенедикт болгосон юм.
- 2011 - Алдарт "Викиликс" цахим хуудас Гуантанамогийн шоронгийн ноцтой баримтуудыг нийтэд дэлгэв.
- 2013 - Бангладешийн нийслэл Дака хотын ойролцоо баригдсан барилга нурж 1,129 хүн амиа алдан, 2,500 хүн бэртэж гэмтжээ.
- БНХАУ-ын Шинжаан Уйгарын өөртөө засах улсын Кашгар мужийн Банчу тойрогт гал уул дэлбэрч 21 хүн амиа алдав.
