Монголд үйл ажиллагаа эрхэлж буй байгууллага, аж ахуйн нэгж, бизнес эрхлэгчдийн дунд хамт олны эерэг хандлага бүрдүүлэх, хөдөлгөөний дутагдлаас сэргийлж, эрүүл, идэвхтэй, эрч хүчтэй амьдруулах зорилгоор сонирхогчдын “Bud сup-2024” хөл бөмбөгийн тэмцээн зохион байгуулах нь. Баянзүрх дүүргийн 15 дугаар хорооны хөл бөмбөгийн талбайд долоо хоног бүрийн амралтын өдөр болох тус тэмцээнд мэргэжлийн лигийн тамирчдаас бусад хүн оролцох юм. Долоо хоног бүр 10 багийн хооронд тэмцээн өрнөнө. Үүнд түрүүлсэн нь сарын эцэст аваргуудын лигийн тэмцээнд өрсөлдөнө. Ташрамд дуулгахад, “Нийтийн хөл бөмбөг” төслийн хүрээнд жил бүр болдог 21 аймгийн аварга шалгаруулах тэмцээний футзалын төрөл Өвөрхангай аймгийн Хархорин сумд ирэх сарын 1-нд эхэлнэ. Долоо хоног үргэлжлэх эл тэмцээнд 20 аймгийн баг өрсөлдөх нь.
Өчигдрөөс илүү маргаашийг
бүтээхийн төлөө
