МҮОНТ-ийн “ММ” агентлагийн “Цагийн хүрд” хөтөлбөрөөс зохион байгуулсан Луу жилийн “Цагийн хүрдийн баатрууд”-ын “Баатарлаг үйлстэн”-ээр Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар анги тодорлоо.
Гал түймэр унтраах, аврах 10 дугаар анги нь 1925 оны 04 дүгээр сарын 15-нд “Усан хөөрөгний газар” нэртэйгээр байгуулагдсан анхны гал унтраах анги бөгөөд өдгөө 99 дэх жилдээ ард иргэдийнхээ аюулгүй байдлын манаанд үүрэг гүйцэтгэж байна.
Тус ангийн алба хаагчид өнгөрсөн онд нийслэлийн хэмжээнд 400 гаруй удаагийн гал түймрийн дуудлагаар ажиллаж, 500 гаруй хүний амь нас, иргэд, аж, ахуйн нэгж, байгууллагын 14 тэрбум төгрөгийн өмч хөрөнгийг авран хамгаалж ажилласан.
Гал түймэр унтраах, аврах 10 дугаар анги нь 1981 онд Монгол Улсын Ерөнхийлөгчийн зарлигаар “Алтан гадас” одон, 2015 онд “Цэргийн гавъяаны улаан тугийн одон”-оор шагнагдсан хос одонт анги юм.
Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчиддаа аз жаргал, эрүүл энх, сайн сайхан бүхнийг хүсэн ерөөе.
