Зэвсэгт хүчний 014 дүгээр анги 2023 онд хугацаат цэргийн албанд татагдсан дайчдадаа чиглэсэн сургалт бэлтгэлийг өрнүүлж байна. Сургалтын бэлтгэлийн төлөвлөгөөний дагуу эхний ээлжид албандаа дасгах сэтгэл зүйн хичээлүүдийг бүлэг бүлгээр тасралтгүй явуулж байгаа бөгөөд үүний нэг хэсэг нь Нийгэм судлалын дээд сургуулийн сэтгэл судлалын оюутнуудын “Хөндлөгөөс харахад цэргийн алба ямар бахархам байдаг гэж санана”, “Мэргэжил сонголт”, “Бусдад эерэг нөлөөлөгч хэрхэн болох вэ” сэдвүүдээр яриа таницуулга болоод хөгжөөнт тэмцээн зохион байгуулав.
Сэтгэл судлалын төгсөх дамжааны оюутнууд “Орчин залуус нийгмээ дагаад хөгжиж байгаа ч эх орноо гэсэн сэтгэл нь хэзээ ч урвахгүй тийм үнэт чанартай. Өнөөдөр цэргийн албанд ирсэн залуусаас ч тэр эрхэм чанар илэрхийлэгдэж байгаад баяртай байна” гээд сэтгэл зүйгээр тогтвортой байх нь ажлын үр бүтээмжид хамгийн чухал гэлээ.
Ахлах дэслэгч Б.Бэрхбаатар
