Өчигдрөөс илүү маргаашийг
бүтээхийн төлөө
30°C
3134$
Нүүр Бусад Фото

Залуу тамирчид туршлага хуримтлуулсан “Чэндү-2021” 

Өнөөдөр сонин
2023-08-08 15:00
 2 мин унших

БНХАУ-д болж буй “Чэндү-2021” дэлхийн оюутны спортын XXXI наадмаас Монголын багаас жүдогийн тамирчид дөрвөн хүрэл медаль хүртсэн. Эл амжилтаараа манай улс нийт дүнгээр 45 дугаар байрт жагслаа. “Ковид-19”-ийн улмаас хоёр жил өнжсөн, өнөөдөр хаалтаа хийх тус наадамд Монголын 80 тамирчин спортын есөн төрлөөр өрсөлдлөө. Залуу тамирчдын хувьд туршлага хуримтлуулсан тус наадмыг фото сурвалжилга онцолж байна. 

Наадмын нээлтэд Монголын багийн тугчаар ажилласан сагсан бөмбөгийн тамирчин Г.Дөлгөөн. Тэрбээр АНУ-д суралцдаг. 
Ширээний теннисний тамирчид медальд хүрээгүй ч нийт 16 хожил авснаар чанга өрсөлдөгчид гэдгээ харуулсан. Тэднийг сүүлийн хоёр жил БНСУ-ын багш нар дасгалжуулж байгаа. Зураг дээр спортын мастер Ж.Мөнхзориг 
Спортын мастер Г.Есүгэн
Манай усан спортын тамирчид багийн буухиа уралдаанд улсынхаа дээд амжилтыг шинэчлэн тогтоосон юм. Усанд сэлэлтийн төрлөөр 15 дугаар байрт орсон ОУХМ Б.Энххүслэн. 
Монголын оюутны сагсан бөмбөгийн шигшээ багийнхан бусад улсын тамирчдаас намхан ч сайн тоглолоо. Тэд зургаан удаа тоглохдоо гуравт нь хожсон. Манайхан Бүх Хятадын оюутны шигшээ багтай ширүүн өрсөлдөж, 75:71-ээр ялагдсан тоглолтын үеэр Г.Болор-Эрдэнэ довтолж байгаа нь. Тэрбээр ах Г.Ган-Эрдэнэтэй нэг багт тоглосон юм. 
Монголын хүнд сэлмийн эрэгтэйчүүдийн баг уржигдар Японы тамирчидтай тулалдаж, 45:19-өөр хожигдлоо. Манай багт Э.Тэмүүлэн, Б.Баяржавхлан, Х.Анхбаяр нар ур чадвар, хурд хүчээ сорин өрсөлдсөн.
Монголын тамирчдын медалийн салхийг хагалсан О.Уранбаяр 
Таеквондогийн тамирчид медальд хүрэхэд ойрхон байлаа. 
CБуудлагын тамирчид дорвитой амжилт гаргасангүй. Учир нь хилээр сум оруулж ирэх боломжгүйгээс тэд сүүлийн хоёр жил буудах биш, шагайх бэлтгэл л хийжээ
Монголын тамирчдаас хамгийн түрүүнд байт харвааныхан тэмцээнээ эхэлсэн. 

Гэрэл зургийг: Э.Харцага

Энэ мэдээ танд ямар санагдав?
0
0
0
0
0
0
Сэтгэгдэл:
Таны IP: (18.224.70.11)
АНХААРУУЛГА: Уншигчдын бичсэн сэтгэгдэлд unuudur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Холбоотой мэдээ

Шинэ мэдээ