Вьетнамд аялсан зарим иргэн мансууруулах, сэтгэцэд нөлөөлөх бодис хэрэглэжээ

Бүгд Найрамдах Социалист Вьет­нам Улсад аялсан монгол иргэд архи, сог­­туу­руулах ундаа хэтрүүлэн хэрэглэх, ман­­суу­­руулах, сэтгэцэд нөлөөлөх бо­ди­сыг хууль бусаар олж авч, олон ний­тийн амгалан тайван байдлыг алдаг­дуу­лах зэ­рэг зохисгүй үйлдлүүд гаргасан та­лаар тус улс дахь манай Элчин сайдын яам­наас мэдээлэв. Иргэдийн эдгээр үйлдэл нь нийт аялагчдын эрх ашиг, нэр хүндэд сөр­­гөөр нөлөөлж байгааг он­цол­сон юм. 
Тиймээс Элчин сайдын яамнаас хэд хэдэн зөвлөмж гаргасан байна. Ту­хайл­­бал, тус улсад энэ оны эхнээс бүх төр­­л­ийн электрон тамхи худал­дах, хэ­рэг­лэхийг хориглосон тул хилээр га­рах­­даа ийм бүтээгдэхүүн авч явах­гүй бай­хыг сануулжээ. Мөн гадаад пас­пор­­­тын хүчинтэй хугацааг сайтар няг­талж, би­чиг баримтаа үрэгдүүлж, эд зүй­лээ хул­­гайд алдахаас сэрэмж­лэхийг зөв­лөв. Түүнчлэн хилээр нэвтрүүлэхийг хо­риг­лосон бараа буюу ман­сууруулах эм, сэт­гэцэд нөлөөлөх болон тэсрэх бодис, элект­рон тамхи, галт зэвсэг авч явахгүй байхыг анхаарууллаа. Олон улсын эрүүл мэндийн бо­лон аяллын даатгалд зайлш­гүй хамрагдах шаардлагатайг ч зөв­­­лөмж­дөө тус­га­жээ. 
Монгол Улс, Бүгд Найрамдах Со­циа­лист Вьетнам Улсын Засгийн газар хоо­­рондын хэлэлцээрээр 30 хоногийн ху­гацаанд визгүй зорчихоор шийд­вэр­лэс­­нийг өнгөрсөн оны гуравдугаар са­раас хэрэгжүүлж эхэлсэн юм. Үүнээс хойш манай улсаас тухайн орон руу явах ир­гэ­дийн тоо ч эрчимтэй нэмэгдэж буй аж.

А.Үүл