The 29 days countdown begins today for the Summer Univesiade, Chengdu 2021 FISU
Дэлхийн оюутны Универсиад XXXI наадам нь 2021 онд БНХАУ-ын Чэндү хотноо зохиогдох байсан ч "Ковид" цар тахлын улмаас 2 удаа хойшлон ийнхүү 2023 оны 07 сарын 28-ны өдөр буюу 29 хоногийн дараа нээлтээ хийхэд бэлэн болоод байна. Наадам 18 спортын төрөлд явагдаж, 150 орны 11,500 төлөөлөгчид оролцохоор мэдүүлгээ өгчээ.
Монголын оюутан тамирчид энэхүү наадамд байт харваа, буудлага, жүдо, сагсан бөмбөг (эрэгтэй), таеквондо, теннис, туялзуур сэлэм, усанд сэлэлт, ширээний теннисний 9 спортын төрөлд 80 тамирчин, 30 дасгалжуулагч, албаны хүн, нийтдээ 110 гаруй төлөөлөгчид оролцоно. Уг наадамд оролцох баг тамирчдыг Монголын оюутны спортын холбооноос 2023 онд явуулсан Оюутны УАШТ-ээс сонгон шалгаруулсан байна. Дашрамд дурьдахад Монголын баг тамирчид 1965 оны Унгарын Будапештын наадмаас эхлэн оролцож иржээ.
Chengdu 2021 FISU World University Games
Бэлтгэсэн: Э.Харцага
