Өнөөдөр гадаа нэг хэм хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
4 дүгээр сарын 13-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 103 дахь өдөр бөгөөд он дуусахад 262 хоног үлдлээ.
- Цаг агаар өдөртөө нэг хэмийн хүйтэн бол шөнөдөө 4 хэм хүйтэн байх нь ээ.
- Билгийн тооллын 23, Элдэв тэнгэртэн одтой, цагаагчин үхэр өдөр. Тухайн өдөр тахиа, могой жилтнээ аливаа үйлийг хийхэд эерэг сайн ба үхэр, луу, хонь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хулгай дээрмийг номхотгох, гэмтнийг шийтгэх, мал адгуус номхруулах, лус тахих, мал арилжих, буг дарах, газрын ам бооход сайн. Цөөрөм байгуулах, байшингийн суурь тавих, угаал үйлдэхэд муу. Үс шинээр үргээлгэх буюу засуудбал эд, эдлэл, идээ ундаа олдоно.
- Манай улсын голлох валют болох ам.долларын ханш авах нь 3500.00, зарах нь 3506.00 төгрөгтэй тэнцэж байгаа бол бусад валют болох рубль авах нь 42.10, зарах нь 42.80, юанийн авах ханш 511.00, зарах нь 512.70, вонын авах нь 2.68, зарах нь 2.70 төгрөгтэй тэнцэж байна.
Өнөөдөр болох онцлох үйл явдлууд:
- 11:00 цагаас ХӨСҮТ дээр Улаанбурхан, Салхинцэцэг өвчний тархалт, вакцинжуулалт олон улсын нөхцөл байдлаар ХӨСҮТ-ийн Ерөнхий захирал Ц.Билэгтсайхан болон холбогдох мэргэжилтнүүд мэдээлэл хийнэ. Холбогдох утас: 89647777
- 11:00 цагт Ардчилсан намын даргын бүртгэлтэй холбоотой Захиргааны хэргийн давж заалдах шатны шүүхийн мэдээлэл болон бусад асуудлаар АН-ын төв байр /Шонхор тауэр/ мэдээлэл хийнэ. Холбогдох утас: 91000017
- 12.00 цагт НЗДТГ, Монголын 3x3 сагсан бөмбөгийн холбоо хамтран зохион байгуулдаг "Улаанбаатар кап" 3Х3 сагсан бөмбөгийн тэмцээн энэ сарын 22-нд эхэлнэ. Хангарди ордны 14 давхарт тэмцээний талаарх мэдээллийг өгнө. Холбогдох утас: 89755575
Энэ өдөр дэлхийн түүхэнд:
- 1613 онд Английн тэнгисийн цэргийн офицер Самуэль Арголл одоогийн Виржиниа мужийн уугуул омгийн гүнж Покахонтасыг барьцаалав.
- 1829 онд Английн парламент Ромын Католик шашинтнуудын санал өгөх эрхийг хуульчлав.
- 1849 онд Унгарын Үндэсний ассемблейн хаалттай хуралдаанаар Лахос Коссут Унгарын тусгаар тогтнолын тунхагыг уншиж танилцуулжээ.
- 1870 онд АНУ-ын Нью-Йорк хотод Метрополитан дүрслэх урлагийн музей үүдээ нээжээ.
- 1873 онд АНУ-ын Луйзана мужийн Колфакс хотод бүгд найрамдахын цэргүүд хар арьст 60 хүнийг зүй бусаар хороов.
- 1943 онд АНУ-ын ерөнхийлөгч Томас Жефферсоны мэндэлсний 200 жилийн ойг тохиолдуулан Вашингтон хотод Жефферсоны дурсгалын цогцолборыг босгожээ.
- 1948 онд Шейх Жаррагийн Арабын хөдөлгөөний цэргүүд Хадасса эмнэлэгт халдан довтолж эмч, сувилагч, өвчтөн, оюутан нийлсэн 78 еврей үндэстнийг хөнөөжээ.
- 1960 онд АНУ "Транзит 1-Б" хиймэл дагуулыг хөөргөв. Ингэснээр дэлхийн түүхэнд байрлал тогтоох зориулалттай анхны хиймэл дагуул болсон юм.
- 1964 онд Академийн наадмын шилдэг гол дүрийн эрэгтэй жүжигчний шагналыг хар арьст Сидней Пойтиер "Лиллигийн ар тал" кинонд бүтээсэн дүрээрээ хүртэж уг шагналыг хүртсэн анхны хар арьст жүжигчин болжээ.
- 1972 онд Олон улсын шуудангийн холбоо БНХАУ-ын тусгай захиргааны бүс болох Тайванийг Бүгд найрамдах Хятад гэдгээр нь хэвээр үлдээх шийд гаргав.
- 1976 онд АНУ-ын Сангийн яам суут ерөнхийлөгч Томас Жефферсоны мэндэлсний 233 жилийн ойг тохиолдуулан түүний хөрөг бүхий хоёртын шинэ долларыг гүйлгээнд нэвтрүүлж байгаагаа зарлалаа.
- 1975 онд Палестины ардын чөлөөлөх армийн 26 гишүүнийг Фалангист хөдөлгөөнийхөн хороосон нь 15 жил үргэлжилсэн Ливаны иргэний дайны эхлэл байсан юм.
