Португал хөлбөмбөгчин К.Роналду Саудын Арабын “Аль-Наср” багт тоглоод 2.5 сар болжээ. Тэрбээр олон гоол оруулж буй ч баг нь лигийн тэргүүллээ бататгаж чадахгүй байгаа төдийгүй тэргүүн байраа алдав. К.Роналдуг ирснээс хойш тус багт юу өрнөж буйг сонирхъё.
- 2022 оны сүүлчийн өдөр “Аль-Наср” түүнтэй гэрээ байгуулсан. Тухайн үед тэд хүснэгтийг тэргүүлж байв. Гэсэнч “Аль-Шабаб”, “Аль-Иттихад” баг 1-2 тоглолт дутуу араас нь нэхэж байлаа.
- К.Роналду 2023 оны нэгдүгээр сард бараг тоглоогүй, сарын сүүлчээр буюу 22-нд эхний тоглолтдоо оролцсон. Тухайн үед тэргүүлэгчийн байрлал өөрчлөгдөж, “Аль-Иттихад” лигийн эхэнд бичигдэж байв. Гэхдээ “Аль-Наср” нэг тоглолт дутуу хийсэн.
- Хоёр сар гаруйн дараа буюу өнөөдрийн байдлаар лигийг “Аль- Иттихад” тэргүүлж, “Аль-Наср” гурван оноогоор хоцорч буй. Хоёул 23 тоглолтод оролцжээ. Харин “Аль-Шабаб” К.Роналдугийн багаас зургаан оноо хоцорч буй ч нэг тоглолт дутуу юм.
Тэргүүлэгчдийн байрлалд өөрчлөлт ороход нөлөөлсөн зүйл бол гол өрсөлдөгчдийн тулаан юм. Өнгөрсөн сарын 9-нд болсон тоглолтод “Аль-Иттихад” 57 мянган үзэгчийн өмнө гол өрсөлдөгчөө Ромариньогийн оруулсан гоолын ачаар ялсан. Ингэснээр “Аль-Наср” нэгдүгээр байраа алдаж, өрсөлдөгчөөсөө нэг оноогоор хоцорч эхэлсэн юм.
Өнгөрсөн амралтын өдрүүдээр “Аль-Фейх” хэмээх дундаж багтай “Аль-Наср” хуурай тэнцэж, оноо алдсан. Ингэснээрдээрх онооны зөрүү гурав болж холдлоо. К.Роналду нэн чухал эл хоёр тоглолтод бүтэн 90 минут тоглосон ч гоол оруулж, багтаа тус хүргэж чадаагүй юм.
Эцэст ньөгүүлэхэд, португал тоглогч лигийн 10 тоглолтод 11 гоол оруулж, мэргэн буучийн жагсаалтын тавдугаар байрт бичигдэж байна. Тэрбээр 10 тоглолтынхоо тавд нь гоол оруулжээ.
Бэлтгэсэн: Н.Энх
