Сонирхогчдын боксын ДАШТ-ий хүрэл медальт, Азийн наадам, Азийн АШТ-ий хошой аварга, Гавьяат тамирчин Э.Цэндбаатар мэргэжлийн боксын ээлжит тулаанаа хийх нь. Тэрбээр энэудаа АНУ-ын Нью-Йорк хотын “Sony hall” аренад тус улсын тамирчин Жованни Хосе Гутьеррестэй энэсарын 23-нд нударга зөрүүлнэ. Тэдний тулааныг “BoxingInsiders” олон нийтийн сүлжээболон “Youtube” сувгаар шууд дамжуулахаар болжээ. Э.Цэндбаатар мэргэжлийн боксын рингэнд гурван удаа тоглож, бүгдэд нь ялалт байгуулсан билээ. Тулааны спорттой өөр нэгэн мэдээдуулгахад, UFC-гийн анхны монгол тулаанч “шуурга” хочит Д.Батгэрэл АНУ-ын Миссури муж улсын “T-Mobile center”-т тус улсын 23 настай тамирчин Брэди Хиетландтай ирэх дөрөвдүгээр сарын 2-нд тулалдах тов гарчээ. Манай тулаанч өмнө нь 12 ялж, дөрвөн удаа ялагдсан бол өрсөлдөгч нь зургаа ялж, хоёр ялагдсан амжилттай.
Өчигдрөөс илүү маргаашийг
бүтээхийн төлөө
