Хил хамгаалах ерөнхий газар, төвийн бүсийн хилийн ангиудын дундах волейболын аварга шалгаруулах тэмцээн аравдугаар сарын 19-20-ны өдрүүдэд ХХЕГ-ын спорт зааланд болж өндөрлөлөө. Тэмцээний эрэгтэй төрөлд Хилийн цэргийн 0208 дугаар тусгай салбар /Хилчин спорт хороо/-ын баг тамирчид тэргүүн байр эзэлсэн бол хурандаа П.Батбилэг захирагчтай Хилийн цэргийн 0164 дүгээр ангийн баг тамирчид хоёрдугаар байр, гутгаар байрт Хилийн цэргийн 0303 ангийн баг тамирчид тус тус шалгарлаа. Харин эмэгтэй төрөлд ХХЕГ-ын баг тамирчид тэргүүн байр, удаах байрыг хурандаа М.Баяржавхлан захирагчтай Хилийн цэргийн 0208 дугаар тусгай салбар /Хилчин спорт хороо/, гутгаар байрт Хилийн цэргийн 0253 дугаар ангийн баг тамирчид тус тус шалгарсан юм. Цаашид Хил хамгаалах байгууллагын бүс бүсээс шалгарсан шилдэг баг тамирчид байгууллагын аварга шалгаруулах тэмцээнд хурд хүч авхаалж самбаагаа сорих бөгөөд Хил хамгаалах байгууллагын волейболын аварга шалгаруулах тэмцээн ирэх оны эхээр зохиогдоно.
