Зэвсэгт хүчний 017 дугаар анги 2021-2022 оны сургуулийн жилийн цэргийн сургалтын төлөвлөгөөний дагуу хээрийн гаралт, полигоны дадлагыг Зэвсэгт хүчний Сургалтын нэгдсэн төвийн районд зохион байгуулан явуулж байна. Хээрийн гаралтаар офицеруудын цэргийн хэргийн мэдлэг, дадлага, чадварыг нэмэгдүүлэх, бие бүрэлдэхүүний зэвсэг, техниктэй харьцах дадлага, чадварыг дээшлүүлэх, сэтгэл зүйн бэлтгэлийг хангах зорилгоор сургалт, дадлагыг төлөвлөгөөний дагуу зохион байгуулж буй. Хээрийн гаралтын төгсгөлд “Мотобуудлагын рот байрын хамгаалалтад” сэдвээр ББТХС-ийг явуулахаар бэлтгэл ажлыг хангаж байгаа юм. Мөн хээрийн гаралтын үед бие бүрэлдэхүүнтэй мэдээлэл, сурталчилгаа, сэтгэл зүйн хангалтын ажлыг сургалтын үе шаттай хослуулан явуулж, хөдөлмөр хамгаалал, аюулгүй байдлыг хангах болон цар тахлаас урьдчилан сэргийлэх арга хэмжээг тасралтгүй хэрэгжүүлж байна.
