ЦЕГ-ын Мөрдөн байцаах албааас алба, нэгж, нутаг дэвсгэр хариуцсан цагдаагийн байгууллагын мөрдөн шалгах чиг үүрэг бүхий алба хаагчдын мэдлэг ур чадварыг дээшлүүлэх, албандаа хандах эерэг хандлагыг нэмэгдүүлэх зорилгоор “Шилдэг мөрдөгч-2021” тэцмээнийг энэ оны арваннэгдүгээр сарын 10, 11 өдрүүдэд цахимаар зохион байгуулж шилдгүүдээ шалгарууллаа.
Тэмцээний нийт дүнгээр мэдлэг, ур чадвараараа бусдыгаа тэргүүлэн нэгдүгээр байранд Мөрдөн байцаах албаны Хүний эрүүл мэндийн халдашгүй байдлын эсрэг гэмт хэрэг мөрдөн шалгах хэлтсийн ахлах мөрдөгч, цагдаагийн ахмад Мангалынжавын АЛТАНГЭРЭЛ, хоёрдугаар байранд Чингэлтэй дүүрэг дэх цагдаагийн газрын нэгдүгээр хэлтсийн мөрдөн байцаах тасгийн мөрдөгч, цагдаагийн дэслэгч Иврайн МАРИЯ, гуравдугаар байранд Сүхбаатар дүүрэг дэх цагдаагийн газрын нэгдүгээр хэлтсийн мөрдөн байцаах тасгийн мөрдөгч, цагдаагийн ахлах дэслэгч Эрэмгийбаатарын ИДЭР тус тус шалгарч “Өргөмжлөл”, мөнгөн шагналаар шагнаж урамшууллаа.
