Элсэлтийн ерөнхий шалгалтад бэлтгэгчдэд зориулсан 30 сая төгрөгийн сан бүхий сургалтын тэтгэлэг зарлагджээ. Тодруулбал, “Сайн сургуулийг таны дэргэд” ТББ нь “goodschool.mn” цахим сургалтын платформтой хамтран 2022 онд ЭЕШ өгөхөөр зорьж буй 12-р ангийн сурагчдад зориулан “SQUID-2.022 тэтгэлэгт хөтөлбөр”-ийг зарлалаа.
Төрийн болон хувийн өмчийн ЕБС-ийг сурагчдад дэмжлэг үзүүлэх, сайн багшийн шилдэг туршлагыг түгээх, боловсролын тэгш хүртээмжийг нэмэгдүүлэх зорилготой SQUID-2.022 хөтөлбөрөөр нийт 31,104,000 төгрөгийн үнэ бүхий сургалтад хамруулах юм. Хөтөлбөрт шалгарсан сурагчид “goodschool.mn” цахим сургалтын платформоор дамжуулан сайн багшийн, шилдэг хичээлүүдэд үнэ төлбөргүй суралцсанаар ЭЕШ-ын бэлтгэлээ хангах аж.
Зохион байгуулагчид “Сурагчдын бие даан суралцах чадварыг дэмжих, суралцах чин хүсэл, тэмүүллийг урамшуулахыг зорьж байгаа ба аль болох олон хүүхдэд боломж олгон, хэрэгцээт мэдээлэл, зөвлөгөө өгч, сайн хичээлүүдийг заахын тулд “1 хүүхэд-1 хичээлд” зарчмаар сонгон шалгаруулалт явуулж, аймаг, дүүрэг тус бүрээс дөрвөн сурагчид 100%-ийн тэтгэлэг олгох гэнэ.
Тэтгэлэгт шалгарсан сурагчид Математик, Нийгэм, Хими, Физик, Англи хэл, Биологи гэсэн 6 хичээлээр сургалт авах боломжтой аж. Хүсэлтийг https://forms.gle/RijGWjxpABafFpTj9 google.form-оор хүлээн авах юм.
