Монголын боксын холбоо өнөөдөр ДАШТ-ий 60 кг-ын жинд өрсөлдөх тамирчныг сонгох сорил тулааныг Орхон аймагт зохион байгуулахаар товлоод байсан ч тоглолт цуцлагдсан. Учир нь МУГТ Э.Цэндбаатар, залуу тамирчин О.Тулга нар 07:00-08:00 цагийн хооронд жингээ үзүүлэх байсан ч Э.Цэндбаатар цагтаа багтан ирж, жингээ үзүүлээгүй улмаас ийнхүү цуцлагдсан юм.
Тэгвэл дөнгөж сая Э.Цэндбаатар өөрийн цахим хуудсаар дамжуулан "60 кг бол миний үндсэн жин. Жиндээ орох асуудалгүй байлаа. Сөгдөж мөргөж гуйсан. Тиймдээ ч бэлтгэлээ маш сайн хийсэн. Жиндээ орсон. Гэхдээ л бүх зүйл санаснаар болсонгүй. Намайг дэмжсэн бүх хүмүүст баярлалаа" гэсэн товч тайлбар хийж, өөрийн жинг үзэж буй бичлэг нийтэллээ.
