Ерөнхий боловсролын сургуулийн нийт сурагчдын эхний улирлын амралтыг арванхоёрдугаар сарын 20-26-ны хооронд байхаар төлөвлөжээ. Удаах буюу II улирлын амралт 2022 оны гуравдугаар сарын 28-нд эхлээд, нэг долоо хоног үргэлжлэх юм. Тэгвэл III улирлын хичээл дөрөвдүгээр сарын 4-нд эхэлнэ. Энэ удаа зуны амралт тохиох бөгөөд I-III ангийнхных тавдугаар сарын 30, IV-V ангийн сурагчдынх зургадугаар сарын 6-наас эхэлнэ. Тэгвэл VI-XII ангийнхан үүнээс нэг долоо хоногийн дараа амрах аж.
