2021 оны ЭЕШ-ын батламж хуудсыг наймдугаар сарын 25-28-ны өдрүүдэд тараана. Энэ онд ерөнхий боловсролын сургууль төгссөн шалгуулагчид төгссөн сургуулийнхаа захиргаанаас батламж хуудсаа авна. 2021 оноос өмнө ерөнхий боловсролын сургууль төгссөн өмнөх оны төгсөгчдийн хувьд орон нутагт шалгалт өгсөн бол тухайн аймгийнхаа Боловсрол, соёл урлагийн газраас, харин нийслэлд шалгалт өгсөн бол БҮТ-өөс батламж хуудсаа авах гэнэ. Элсэлтийн ерөнхий шалгалтын батламж хуудас нь 2.5 жилийн хугацаанд хүчинтэй гэдгийг албаныхан санууллаа.
2021-2022 оны хичээлийн жилд Монгол улсын их, дээд сургууль, коллежид элсэгчдээс авах ЭЕШ-ыг наймдугаар сарын 19-22-ны өдрүүдэд Улсын онцгой комисс, Эрүүл мэндийн яам, Мэргэжлийн хяналтын ерөнхий газраас өгсөн заавар, зөвлөмж, удирдамжийн дагуу халдвар хамгааллаас урьдчилан сэргийлэх дэглэмийг баримтлан амжилттай зохион байгууллаа. Энэ жил 82 шалгалтын байранд 40420 шалгуулагчийг хамруулан амжилттай зохион байгуулж дуусгалаа.
