Бүх нийтийн бэлэн байдлын зэрэгт шилжсэнтэй холбогдуулан цагийг үр бүтээлтэй өнгөрүүлэх, монгол ардын үлгэрээр хүүхдээ хүмүүжүүлэх арга зүйг эцэг эхчүүдэд уриалах, гэр бүлийн халуун дулаан уур амьсгалыг бүрдүүлэх зорилгоор "Үлгэрч гэр бүл" цахим уралдаан зарлажээ. Гэр бүл, хүүхэд залуучуудын хөгжлийн газар нийслэл, 21 аймаг, 9 дүүргийн Гэр бүл, хүүхэд, залуучуудын хөгжлийн газар, хэлтэс, Залуучуудын хөгжлийн төвөөс зохион байгуулж буй уг уралдаанд 2-10 насны хүүхэдтэй өрх бүр оролцох боломжтой. Гэр бүлийн гишүүн монгол үлгэрүүдээс сонгон дөрвөн минутаас ихгүй хугацаанд ярьснаа дүрсжүүлэн цахим хуудсанд байршуулах ёстой гэнэ. Мөн цахим орчинд байршуулсан линкээ, гэрийн хаяг, утасны дугаараа бичиж, info@fcy.gov.mn хаяг руу энэ сарын 25-ны дотор илгээх юм байна. Харин 2021 оны дөрөвдүгээр сарын 26-нд Монгол шуудангаас танайд илгээмж ирсэн бол та шагналт байранд орсон нь тэр юм.
