Сонгинохайрхан дүүргийн 38 хорооны нутаг дэвсгэр, “Мон сүү ХХК-ний гадаа байрлах дулааны худгаас хэн нь үл мэдэгдэх цогцос олджээ. Уг мэдээллийн мөрөөр НОБГ-ын аврах 105-р ангийнхан болон цагдаагийнхан хэргийн газрт очиж, ажиллагаа явуулсан байна. Хохирогч хар өнгийн куртик, "Аdidas" гэсэн бичигтэй саарал өнгийн биеийн тамирын цамц, цэнхэр өнгийн жийнсэн өмд, үдээстэй хар өнгийн пүүзэн гуталтай, ил харагдах гэмтэл, шархгүй байсан гэнэ. 55-60 орчим насны, 165 см орчим өндөртэй, буурал үстэй эрэгтэйг хэн болохыг тогтоохоос гадна үхлийн шалтгааныг тодруулахаар Сонгинохайрхан дүүргийн Цагдаагийн газрын Нэгдүгээр хэлтэс шалгаж байна.
