Хятадын баруун хойд нутгийн Ланьжоу хотод байдаг химийн үйлдвэрт дэлбэрэлт болсон талаар тус улсын Төв телевиз мэдээлжээ. Дэлбэрэлт Мягмар гарагийн өглөө орон нутгийн цагаар 08:12 цагт болжээ. Дэлбэрэлтийн улмаас хүчтэй гал гарсан бөгөөд дуудлагаар ирсэн гал сөнөөгчид 09:40 цагт ил галыг унтраасан байна. Эх сурвалжуудын мэдээлж буйгаар дэлбэрэлтийн улмаас таван хүн нас барж, гурван хүн шархадсан аж. Мөн нэг хүн сураггүй болсон байна. Ослын газарт эрэн хайх, аврах ажиллагаа үргэлжилж байна.
