Булган аймгийн Сайхан суманд энэ сарын 22-23-ны өдрүүдэд "Айрагны өдөрлөг" хийхээр болжээ. Тус өдөрлөгийг "Анхдагч- Хөгжил клуб"-ын оролцоотой аймаг, сумдын Засаг даргын тамгын газар зохион байгуулахаар болсон байна. Мөн "Ковид-19" цар тахлын улмаас хэт олноор бөөгнөрөхгүй, амны хаалтаа зүүж, хүн хоорондын зай авахыг "Анхдагч-Хөгжил клуб"-ээс мэдэгджээ.
Түүнчлэн өдөрлөгийн үеэр "Адуучин", "Дэмбээ сайн уу?","Айраг хэн сайн уух вэ?" зэрэг тэмцээн, хос морьтон болон сайхан айраг шалгаруулах уралдаан зохион байгуулахаар төлөвлөсөн байна.
