Цаг агаарын байгууллага 2019 оны дөрөвдүгээр сарын 30-наасс тавдугаар сарын 6-ныг хүртэлх долоо хоногийн цаг агаарын урьдчилсан төлөв байдлыг танилцуулжээ. Тус мэдээнд дурдсанаар 2, 3-нд нутгийн хойд хэсгээр хур тунадас орж, зарим газраар салхи шуургатай байх гэнэ.
Баруун аймгуудын нутгаар: 1-нд Алтайн салбар уулсаар, 2, 5-нд зарим газраар, 3, 4-нд нутгийн хойд хэсгээр хур тунадас орно. Салхи 1-нд Алтайн салбар уулсаар, 2, 4-нд зарим газраар 14-16 м/с хүртэл ширүүсч шороон шуурга шуурна. Агаарын температур Алтай, Хангайн уулархаг нутгаар шөнөдөө 4 градус хүйтнээс 1 градус дулаан, өдөртөө 11-16 градус, Алтайн өвөр говиор шөнөдөө 6-11 градус, өдөртөө 21-26 градус, бусад нутгаар шөнөдөө 1-6 градус, өдөртөө 16-21 градус дулаан байна. 3-наас нутгийн хойд хэсгээр бага зэрэг сэрүүснэ.
Төвийн аймгуудын нутгаар: 2, 4-нд зарим газраар, 3-нд нутгийн хойд хэсгээр хур тунадас орно. Салхи 2, 3-нд зарим газраар 14-16 м/с хүртэл ширүүсч шороон шуурга шуурна. Бусад хугацаанд 5-10 м/с. Агаарын температур Дархадын хотгор, Хангай, Хөвсгөл, Хэнтэйн уулархаг нутгаар шөнөдөө 0-5 градус хүйтэн, өдөртөө 13-18 градус, бусад нутгаар шөнөдөө 0-5 градус, өдөртөө 18-23 градус дулаан байна. 2-ноос сэрүүснэ
Зүүн аймгуудын нутгаар: 3-нд нутгийн хойд хэсгээр, 4-нд зарим газраар хур тунадас орно. Салхи 2, 3-нд зарим газраар 14-16 м/с хүртэл ширүүсч шороон шуурга шуурна. Бусад хугацаанд 6-11 м/с. Агаарын температур Хэнтэйн уулархаг нутгаар шөнөдөө 0-5 градус хүйтэн, өдөртөө 13-18 градус дулаан, бусад нутгаар шөндөө 0-5 градус хүйтэн, өдөртөө 19-24 градус дулаан байна. 4-нөөс сэрүүснэ.
Говийн аймгуудын нутгаар: 4-нд зарим газраар бага зэргийн бороо орно. Бусад хугацаанд бороо орохгүй. Салхи 3, 4-нд зарим газраар 14-16 м/с хүртэл ширүүсч шороон шуурга шуурна. Агаарын температур нутгийн өмнөд хэсгээр шөнөдөө 5-10 градус, өдөртөө 21-26 градус, нутгийн хойд хэсгээр шөнөдөө 0-5 градус, өдөртөө 15-20 градус дулаан байна. 4-нөөс нутгийн хойд хэсгээр бага зэрэг сэрүүснэ.
Харин Улаанбаатарт 11-20 градус дулаан байх нь ээ.
