Хүнс, хөдөө аж ахуй, хөнгөн үйлдвэрийн яамнаас ургац хураалтын явцын мэдээг танилцууллаа. Өнгөрсөн баасан гарагийн байдлаар 22.1 мянган га талбайг ангилан хадаж, нийтдээ 34.7 мянган га-гаас 54.2 мянган тонн үр тариа хураажээ. Түүнчлэн 7.7 мянган га-гаас 103.3 мянган тонн төмс, 4.4 мянган га-гаас 52.7 мянган тонн хүнсний ногоо тус тус хураан авсан байна. Ингэснээр үр тарианы хураалт 10.2, төмс, хүнсний ногооны хураалт 54-60 хувьтай байгаа аж. Өнөөдөр баруун аймгуудын нутгийн баруун хэсгээр, маргааш баруун болон төвийн нутгийн хойд хэсгээр, 26-нд нутгийн хойд хэсгээр нойтон цас орно. Улмаар цасан болон шороон шуурга шуурах тул ургац хураалтын явцад хүндрэл гарч болзошгүйг ХХААХҮЯ-наас анхаарууллаа..
