Бразилийн хөлбөмбөгийн шигшээ хурдан довтолгоо, ухаалаг хамгаалалтаараа хөгжөөн дэмжигчдийн сэтгэлийг татсан Мексикийн багтай шөвгийн 16 шатанд өрсөлдлөө. Хэдий бразилчууд 2:0-ээр ялсан ч тоглолт тэдний хувьд тун ярвигтай өрнөсөн. Биеийн хүчний бэлтгэл сайтай мексикүүд тоглолтын эхнээс прессинг хийсэн нь үр дүнтэй довтлох тэдний боломжийг үгүй хийж байлаа. Гэсэн ч Неймар, Виллиан нар айлын баруун жигүүрийн сул талыг ашиглан тоглолтыг өөрийн талд эргүүлсэн юм. Ялангуяа, Неймар багийнхаа хожилд үнэтэй хувь нэмрийг оруулсан. Тэрбээр тоглолтын 88 дахь минутад айлын хамгаалалтаас сугарч хоёр дахь гоолын боломжийг үүсгэсэн нь тоглолтын үр дүнд том нөлөөг үзүүлэв. Тоглолтын эхний гоолыг Неймар оруулсан бол удаахийг Фирмино хийсэн.
