Олон улсын хүүхдийн эрхийг хамгаалах өдөр Улаанбаатар хотод өдөртөө 33 хэмийн дулаантай, хур тунадас орохгүйг мэргэжлийн байгууллагаас мэдээлж байна. Тиймээс эцэг эхчүүд бага насны хүүхдийн аюулгүй байдлыг хангахыг онцгойлон сэрэмжлүүлж байна. Мөн нийслэлийн нутаг дэвсгэрт хуурайшилтын зэрэг өндөр байгаа тул иргэд ногоон бүсэд зорчихдоо ой хээрийн түймрээс урьдчилан сэргийлж галын аюулгүй байдлаа ханган, ил задгай гал гаргахгүй байх, түүнчлэн ой модонд төөрөхөөс сэрэмжлүүлж байна.
