57 стандартыг хүчингүй болгох шаардлагатай гэв 

Гэр бүл, хөдөлмөр, нийгмийн хамгаал­лын сайдын тушаалаар байгуулагдсан аж­лын хэс­гийнхэн улсын хэмжээнд мөрдөж буй хө­дөл­­мөрийн аюулгүй байдал, эрүүл ахуйн стан­дар­тад үзлэг шалгалт хийжээ. Ма­най ул­сад хө­дөл­мөрийн аюулгүй байдал, эрүүл ахуйн 156 стан­­дартыг мөрдүүлж байна. Үүний 54 нь хөдөл­мө­­рийн аюулгүй бай­дал, 97 нь хөдөл­мөрийн эрүүл ахуйн, тав нь мэргэжлээс шалтгаалсан өвч­­ний стандарт аж. Эдгээрээс нийтэд нь да­хин хянах 47, холбогдох заалтуудыг дахин хя­нах зургаа, хүчингүй болгох 57, цаашид хэвээр мөр­­дөх 46 стандарт байгааг тогтоожээ. Да­раа­гийн улсын үзлэгээр хөдөл­мө­рийн аюулгүй байдал, эрүүл ахуйн стан­дар­тыг олон улс, бүс нутаг болон бусад гадаад орны стан­дартуудтай харь­цуулж үзэх шаард­лага­тайг ажлын хэсгийнхэн онцлов. Мөн салбарын хууль журам, хөгжлийн бодлого, шинж­лэх ухаан, технологийн дэвшилтэй уял­дуулах, стан­дартуудыг үргэлж­лүүлэн мөр­дөх, эсэх, шинэч­лэн боловс­руулахад ан­хаа­рах шаард­ла­гатай гэсэн дүгнэл­тэд хүрчээ. Тухайл­бал, Хөдөл­мөрийн аюулгүй байдал, эрүүл ахуйн стан­дартуудаас сургалтын зо­хион байгуулалт MNS 4969:2000 бо­лон Хөдөлмөр хамгаалал, аюул­­гүй ажил­­ла­гааны тэмдэг ба дохионы өнгө MNS4643:1998 стан­дартыг нэн тэргүүнд шинэч­лэх шаард­лага­тай гэнэ.

Ч.Болор