Улаанбаатар хот гар урлал, ардын урлагийн төрлөөр “Бүтээлч хотууд”-ын эгнээнд нэгдлээ
Дэлхийн хотуудын өдрийг тохиолдуулан ЮНЕСКО-ийн Бүтээлч хотуудын сүлжээнд 55 хот шинээр нэгдсэнийг ЮНЕСКО-оос зарлалаа. “Улаанбаатар хот” гар урлал, ардын урлаг төрлөөр бүтээлч хотуудын эгнээнд нэгджээ. Эдгээр хотуудыг ЮНЕСКО-ийн Ерөнхий захирал Одри Азулей томилдог юм. Тэрбээр “Бүтээлч хотуудын сүлжээнд нэгдсэн хотууд соёлыг хүртээмжтэй болгох, хотын хөгжилд бүтээлч байдлыг бий болгоход тэргүүлэх үүрэгтэй” гэдгийг тэмдэглэсэн байна.
2023-11-03
Нийслэлийн урсгал зардлыг хэмнэж, агентлагуудад бүтцийн шинэчлэл хийнэ
Монгол Улсын засаг захиргаа, нутаг дэвсгэрийн нэгж, түүний удирдлагын тухай хууль болон Төсвийн тухай хуулийн дагуу Нийслэлийн Засаг дарга бөгөөд Улаанбаатар хотын Захирагч Х.Нямбаатар өнөөдөр Нийслэлийн 2023 оны төсөвт өөрчлөлт оруулах тухай тогтоолын төслийг НИТХ-ын дарга Ж.Батбаясгаланд өргөн барилаа.
2023-11-02
Хот төлөвлөлтийн асуудлаар Хятад Улстай хамтарна
Нийслэлийн Засаг дарга бөгөөд Улаанбаатар хотын Захирагч Х.Нямбаатар БНХАУ-аас Монгол Улсад суугаа Онц бөгөөд Бүрэн эрхт Элчин сайд Шэнь Миньжуаньтай уулзаж, хамтын ажиллагааны талаар санал солилцлоо.
2023-11-02
Нийслэлд анх удаа гэрэлтүүлэгчтэй замын тэмдэглэгээ хийжээ
Сүхбаатар дүүргийн нутаг дэвсгэрт байрладаг II сургуулийн урд гэрэлтүүлэгчтэй замын тэмдэглэгээ хийжээ. Нийслэлд анх удаа ийм тэмдэглэгээ хийсэн аж. Сургуульд орчмын бүсэд явган зорчигчийг зам, тээврийн ослоос урьдчилан сэргийлэх ажлын хүрээнд дүүргийн Засаг даргын Тамгын газраас уг арга хэмжээг санаачлан, ЦЕГ-ын Урьдчилан сэргийлэх хэлтэстэй хамтран хэрэгжүүлсэн юм байна. Цаашид тус дүүргийн сургууль орчмын бүх бүсэд ийм гэрэлтүүлэгч бүхий замын тэмдэглэгээг үе шаттайгаар байршуулахаар төлөвлөжээ. Тухайлбал, гэр хороололд байрладаг 35, 58 дугаар сургуулийн ойр орчмын гарцыг ийнхүү өөрчлөхөөр төлөвлөсөн байна. Гэр хороололд хяналт шалгалт тааруугаас автомашинтай иргэд хурд хэтрүүлэх, улмаар явган зорчигчид аюул осолд өртөх эрсдэл өндөр тул эхний ээлжид авто замын гарцуудыг нь гэрэлтүүлэхээр болсон аж.
2023-11-02
Гудамж, зам, талбайн цэвэрлэгээ, нийтийн аж ахуйг дүүргүүд хариуцдаг болно
Энэ үеэр Хотын дарга Х.Нямбаатар “Хүндрэлтэй байдал үүсгэхгүйн тулд шилжилтийн үеийн төлөвлөгөө гаргаж, бэлтгэл ажлыг хангах шаардлагатай. Ингэснээр хот, нийтийн аж ахуйн ажлууд дүүрэгт шилжинэ. Дүүргийн Засаг дарга нарт бүх эрх, үүрэг, хариуцлага шилжинэ гэсэн үг. Ажлын хэсгийг Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч О.Номинчимэг ахална” хэмээлээ.
2023-10-31
Эрчим хүчээ хэмнэхийг уриаллаа
7 хоногийн оргил ачааллаас харвал хамгийн их оргил ачаалал аравдугаар сарын 29-ний өдрийн 20.00 цагт 1251 мвт хүрч
2023-10-31
Хөдөлмөрийн аюулгүй байдал хангаагүй аж ахуйн нэгжүүдийн зөвшөөрлийг цуцална гэв
Одоогоор Өмнөговь аймаг дахь “Оюутолгой” компанийн ил, далд уурхай, “Тавантолгой” компанийн нүүрс боловсруулах үйлдвэрийн бүтээн байгуулалтын хүрээнд барилга байгууламж, инженерийн шугам сүлжээний угсралтын явцад хийсэн шалгалтаар тусгай зөвшөөрлийн хугацаа дууссан, тусгай зөвшөөрөлгүйгээр ажил гүйцэтгэсэн дөрөв, цахилгааны шугам сүлжээ нь ашиглалтын үеийн аюулгүй ажиллагааны стандарт хангаагүй нэг компанид Зөрчлийн тухай хуулийн дагуу торгууль ногдуулж, зөрчил арилгах хүртэл 23 объектын үйл ажиллагааг зогсоохыг даалгажээ.
2023-10-31
Давс, бодис цацагч 12 машины хоёр нь эвдэрчээ
Энэ үеэр дүүргийн удирдлагууд нөхцөл байдлын талаар мэдээлэл өгөв. Сонгинохайрхан дүүргийн хувьд зам, талбайн цэвэрлэгээний дөрвөн аж ахуйн нэгж үйл ажиллагаа явуулдаг бөгөөд 200 тонн давс нөөцөлжээ. Баянзүрх дүүргийн тухайд техник хэрэгсэл дутагдалтай гэнэ. Сүхбаатар дүүргийн хэмжээнд орон нутгийн өмчит хоёр, хувийн хэвшлийн нэг байгууллага үйл ажиллагаа явуулж буй бөгөөд давс цацагч нэг машин шинээр авч байгаа аж. Ингэснээр техникийн хүчин чадал сайжрах юм байна. Баянгол дүүрэгт 80 тонн бодис, давс цацагч хоёр машин бий гэнэ.
2023-10-31
Нийслэлийн хэмжээнд 16 тонн давс цацаад байна
Улаанбаатар хотод Нарны гүүр, Энхтайвны гүүр, Их тойруу, Сансарын тунель, Энхтайвны өргөн чөлөө, Олимпын гүүр, Чингисийн өргөн чөлөө, Баянхошуу зэрэг чиглэлд зориулалтын машинууд давс, бодис цацаж байна.
2023-10-30
Барилгын материалын 40 хувь нь шаардлага хангахгүй байна гэв
Үүний улмаас суурьшлын бүсийн хүн амын дунд шалтгаангүйгээр бие сульдах, тавгүйрхэх нийтлэг зовуурь илрэх болсон гэж Шадар сайд хэлэв. Энэ нь хар тугалга агуулсан барилгын материалтай холбоотой аж. Түүнчлэн улсын хилээр оруулж буй барилгын материалын чанар, стандартыг нарийвчлан тогтоож, үнэлгээ, дүгнэлт гаргадаг лабораторийн хүчин чадал муу, чанаргүй материал ашигласанд хэн ч хариуцлага хүлээдэггүй нь эрсдэл үүсгэж буйг “Барилгын ханган нийлүүлэгчдийн зөвлөл” ТББ-аас илэрхийлэв. Тиймээс барилгын материал импортлохдоо гаалийн лабораториор сайтар шалгах, хүчин чадлыг нь сайжруулах, чанарын шаардлага хангаагүй материалыг хилээр нэвтрүүлэхгүй байхыг Барилгын хөгжлийн төв хариуцах, төрийн байгууллага, мэргэжлийн холбоод, мэргэжилтнүүд багтсан ажлын хэсэг байгуулахаар болжээ.
2023-10-30
Дархан-Уулын замын бүх хөдөлгөөнийг дараа сард нээнэ
Энэ замыг барих ажил удааширсан нэг шалтгаан бол дэлхий нийтийг хамарсан “Ковид-19” цар тахалтай холбоотой. 2020, 2021 онд цар тахал дэгдэж, Монгол Улс хилээ хааснаар гадаадаас орж ирэх ажиллах хүч буюу хятад ажилчид төлөвлөсөн хугацаандаа ирээгүй. 2022 оны барилгын улиралд 76, 2023 оны урин дулаан үед нийт 81 хоног бороотой байсан зэргээр ажил удааширч байсан аж.
2023-10-30
Хотын хөгжилд үнэтэй хувь нэмэр оруулсан ахмадуудаа хүндэтгэв
Монгол Улсын нийслэл Улаанбаатар хот үүсэн байгуулагдсаны түүхт 384 жилийн ой тохиож буй. Уг тэмдэглэлт ойн хүрээнд Нийслэлийн Засаг дарга бөгөөд Улаанбаатар хотын Захирагч Х.Нямбаатар хотын бүтээн байгуулалтад үнэтэй хувь нэмэр оруулсан нийслэлийн ахмадуудын төлөөлөлд хүндэтгэл үзүүллээ. Тухайлбал, цахилгаан станц, дулааны станц, төмөр зам, боловсрол, хот байгуулалт, нийтийн аж ахуйн салбарт олон жил үр бүтээлтэй ажилласан хүндтэй эрхмүүдийг хүлээн авч уулзсан юм.
2023-10-30
Нийслэлийн анхны шав тавьсан Мэлхийт хөшөөнд хүндэтгэл үзүүлэв
Нийслэл Улаанбаатар хот үүсэн байгуулагдсаны түүхт 384 жилийн ойг тохиолдуулан нийслэлийн үе үеийн удирдлагууд, НИТХ-ын төлөөлөгчид, иргэд нийслэлийн анхны шав тавьсан Мэлхийт хөшөө, Монголын нууц товчоонд хүндэтгэл үзүүлж, сүлдэт хуур цэнгүүллээ.
2023-10-29
Монгол Улсын нийслэл Улаанбаатар хот 384 "нас хүрлээ"
1639 онд Ширээт нуурын газар Занабазарыг шашны тэргүүнд өргөмжилж орд өргөө барьсан нь өргөжсөөр Улаанбаатар болжээ. Түүхэндээ хэдэн нэрийг үдсэн. 1639 оноос Өргөө, 1651 оноос Номын хүрээ, 1706 оноос Их хүрээ, 1912 оноос Нийслэл хүрээ хэмээж байгаад 1924 оноос хойш Улаанбаатар гэж нэрийдэх болов.
2023-10-29
