Баянзүрх дүүрэг 26 дугаар хороо, Баянмонгол хороололд гал гарч байна гэсэн дуудлага Онцгой байдлын байгууллагад урд шөнө буюу 2024.10.19-ний шөнө 01:05 цагт ирсэн байна.
Дуудлагын дагуу Хан-Уул дүүргийн Онцгой байдлын хэлтсийн Гал түймэр унтраах, аврах 14 дүгээр ангийн бүрэлдэхүүнийг очиход айлын гал тогооны хэсэгт эд хогшил шатаж байсныг унтраасан. Гал түймрээс 3-17 насны гурван хүүхдийг авран хамгаалж, утаажилтын бүсээс 60 иргэнийг гаргаж аюулгүй байдлыг хангаж ажиллажээ.
