Өнөөдөр гадаа 28 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Наймдугаар сарын 12-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 225 дахь өдөр бөгөөд он дуусахад 141 хоног үлдлээ.
- Цаг агаар өдөртөө 28 хэмийн дулаан бол шөнөдөө 14 градус дулаан байх нь ээ.
- Билгийн тооллын 8, Хонгорцог одтой, шар бич өдөр. Өдрийн наран мандах, жаргах цаг нь 5:44-20:11. Тухайн өдөр хулгана, луу жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хараал, жатхыг буцаах, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал нас уртадна.
- Валют арилжааны төвд ам.долларын авах ханш 3387.00 төгрөг, зарах нь 3393.00 төгрөг байна. Харин рублийн авах ханш 37.00, зарах ханш 38.80, юанийн авах ханш 462.00, зарах ханш 468.20, вонийн авах ханш 2.43, зарах ханш 2.45 төгрөг байна.
Өнөөдөр болох онцлох үйл явдлууд:
- 09.00 цагт: Багшийн хөгжлийн ордонд: Сургуулийн өмнөх боловсрол болон ЕБС-ийн сургалтын хөтөлбөрийг шинэчлэн боловсруулах багийн ажил эхэлнэ. Утас: 8975-5575.
- -Нийслэлийн ерөнхий боловсролын сургуулийн нэгдүгээр ангийн сурагчдын бүртгэл өнөөдөр 09:00 цагаас e-Mongolia платформд эхэлнэ.
- 09.00-13:00 цагт: СУИС-д: Сөүл хотод зохиогддог "ПОСТЕР ТРИЕННАЛЬ 2024" үзэсгэлэнгийн хүрээнд FLOW DESIGN FORUM зохион байгуулна. Форумд БНСУ-ын профессор болон дизайнерууд үндэсний брэнд дизайны тухай илтгэл тавина.
- 11.00 цагт: Үндэсний Аудитын ерөнхий газарт: УБТЗ ХНН-ийн "Зөвлөлт Холбоот улс, БНМАУ-ын Засгийн газар хооронд 1949 онд хийсэн хэлэлцээрийн хэрэгжилт, нийгэмлэгийн хувь нийлүүлсэн хөрөнгийн зарцуулалт, Монгол Улс, ОХУ-ын аудитын хамтарсан шалгалт эхлэх талаар мэдээлнэ. Утас: 9906-5275.
- -Орон нутгийн сонгуультай холбоотойгоор иргэдийн шилжилт хөдөлгөөнийг 8 дугаар сарын 12-ноос буюу өнөөдрөөс эхлэн зогсооно.
- 10.00 цагт: "Ногоон автобус"-ны гэх хэргийн холбогдогч нарын гэм буруугийн шүүх хурал болно.
Энэ өдөр дэлхийн түүхэнд:
- 1121 онд Дидгорийн тулаан болж барилгач хаан Давидын доор Гүржийн арми алдарт Селжук жанжин Илгазиг шийдэмгий ялсан байна.
- 1480 онд Османы цэргүүд исламын шашинд орохоос татгалзсан тул 800 Христэд итгэгчдийг толгойлсон аж.
- 1851 онд Америкийн зохион бүтээгч Исаак Сингер оёдолын машины патентжээ.
- 1908 онд Анри Форд компанийн анхны Model T хэмээх машиныг зохион бүтээж байсан байна.
- 1981 онд IBM анхны хувийн компьютерээ танилцуулав.
