Өнөөдөр гадаа 25 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Наймдугаар сарын 07-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 220 дахь өдөр бөгөөд он дуусахад 146 хоног үлдлээ.
- Цаг агаар өдөртөө 25 хэмийн дулаан бол шөнөдөө 13 градус дулаан байх нь ээ.
- Билгийн тооллын 3, Бага морь одтой, харагчин туулай өдөр. Сумъяа гараг. Өдрийн наран 5 цаг 37 минутад мандан, 20 цаг 19 минутад жаргана. Тухайн өдөр хонь, гахай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр ан гөрөө хийх, мал, адгуус муулах, угаал үйлдэх, тангараг тавих, гэр бүрэхэд сайн. Хэрүүл тэмцэл хийх, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш зүгт мөрөө гаргавал зохистой. Үс шинээр үргээлгэх буюу засуулбал эд мал баялаг төгөлдөр болно.
- Валют арилжааны төвд ам.долларын авах ханш 3387.00 төгрөг, зарах нь 3393.00 төгрөг байна. Харин рублийн авах ханш 37.00, зарах ханш 38.80, юанийн авах ханш 462.00, зарах ханш 468.20, вонийн авах ханш 2.43, зарах ханш 2.45 төгрөг байна.
Өнөөдөр болох онцлох үйл явдлууд:
- 11.30 цагаас “Зууны мэдээ” сонины “Үндэсний мэдээллийн төв”-д Их хэмжээний авлигын хэрэгтэй холбоотой менежментийн хувьчлалыг хүчингүй болгохоор ТӨБЗГ-ыг Захиргааны хэргийн шүүхэд өгсөн хэргийн явцын талаар “Оном сан”-гийн ТУЗ-ийн дарга, “Оном” сургуулийн захирал, Шинжлэх ухааны доктор, биофизикч Д.Наранбаатар хуульчдын хамт мэдээлэл хийнэ.
Энэ өдөр дэлхийн түүхэнд:
- 1930 оны энэ өдөр Нил Армстронг Америкийн сансрын нисгэгч мэндэлж байжээ.
- 1847 онд Өрнө Африкийн Либери улс тусгаар тогтнолоо зарлан тунхагласан.
- 1868 онд Франц улс Номхон далайн өмнөд талын Таити арлыг өөрийн мэдэлд авсан.
- 1945 онд Германы Потсдам хотноо болсон бага хурлын хүрээнд Потсдамын тунхаг үзэглэгдсэн.
- 1957 онд Гватемал улсын цэргийн дэг тогтоогч Карлос Кастильо Армас алагдсан.
