Өнөөдөр гадаа 17 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Долдугаар сарын 25-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 207 дахь өдөр бөгөөд он дуусахад 159 хоног үлдлээ.
- Цаг агаар өдөртөө 17 хэмийн дулаан бол шөнөдөө 13 градус дулаан байх нь ээ.
- Билгийн тооллын 19, Шувуун хошуут одтой, цагаан бар өдөр. Өдрийн наран мандах, жаргах цаг нь 5:20-20:37. Тухайн өдөр морь жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, хараал, жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бомбын үйл, бэрийн үйлд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал “Сайн нөхөртэй учирах” хэмээх сайн.
- Валют арилжааны төвд ам.долларын авах ханш 3386.00 төгрөг, зарах нь 3394.00 төгрөг байна. Харин рублийн авах ханш 38.20, зарах ханш 38.60, юанийн авах ханш 461.20, зарах ханш 467.00, вонийн авах ханш 2.45, зарах ханш 2.47 төгрөг байна.
Өнөөдөр болох онцлох үйл явдлууд:
- 09.00 цагт: “Холидэй Инн” зочид буудалд: Хот байгуулалт, барилга, орон сууцжуулалтын сайд Ж.Батсуурь салбарын ТББ-ын удирдлагуудтай уулзана. Утас 9923-9808.
- 09.00 цагт: Д.Сүхбаатарын талбайд "Оюу толгой" ХХК-ийн үндсэн 4000 ажилтан, тэдний гэр бүлийн 20,000 хүний эрх ашгийн төлөө ажилчид жагсана. Хуулиар олгогдсон хөдөлмөрлөх эрхийнхээ төлөө жагсаж буй талаар хэвлэл мэдэээллийнхэнд 11:00 цагт нэгдсэн мэдээлэл өгнө. Утас: 9900-4893, 9907-5182.
- -Налайх дүүрэгт: Нисэх загварын чөлөөт нислэгийн Ази, Номхон далай оруундын аварга шалгаруулах тэмцээн болно.
Энэ өдөр дэлхийн түүхэнд:
- 1567 — Өнөөгийнхөөр Венесуэл улсын нийслэл Каракас хот, тухайн үеийн Сантьяго суурин үүсэн байгуулагдсан.
- 1868 — Вайоминг нутаг 1868 онд Америкийн Нэгдсэн Улсын мэдэлд шилжсэн. Өдгөө нэгэн муж улс нь болжээ.
- 1920 — Францын зэвсэгт хүчин Дамаскыг эзэлсэн.
- 1925 — Зөвлөлт Холбоот Улсын цахилгаан мэдээний агентлаг (орос товчлол ТАСС) байгуулагдсан.
- 1957 — Францаас салж тусгаар тогтносон Бүгд Найрамдах Тунис Улс байгуулагдснаа зарлан тунхагласан.
- 2007 — Пратибха Патил Энэтхэг улсын түүхэн дэх анхны эмэгтэй ерөнхийлөгч болсон.
