Өнөөдөр гадаа 25 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Долдугаар сарын 23-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 205 дахь өдөр бөгөөд он дуусахад 161 хоног үлдлээ.
- Цаг агаар өдөртөө 25 хэмийн дулаан бол шөнөдөө 15 градус дулаан байх нь ээ.
- Билгийн тооллын 17, Тооно одтой, шар хулгана өдөр. Ангараг гараг. Өдрийн наран 5 цаг 18 минутад мандан, 20 цаг 39 минутад жаргана. Тухайн өдөр луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр ан гөрөө хийх, мал, адгуус муулах, угаал үйлдэх, тангараг тавих, гэр бүрэхэд сайн. Хэрүүл тэмцэл хийх, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3386.00 төгрөг, зарах нь 3394.00 төгрөг байна. Харин рублийн авах ханш 38.20, зарах ханш 38.60, юанийн авах ханш 461.20, зарах ханш 467.00, вонийн авах ханш 2.45, зарах ханш 2.47 төгрөг байна.
Өнөөдөр болох онцлох үйл явдлууд:
- 11.00 цагт “Монгол ньюс” мэпээллийн төвд. "Алтаргана-24 их наадмын талаар мэдээлнэ.
- 11.00 цагт сэтгүүлч Н.Өнөрцэцэгийн ар гэрийнхэн төрийн гурван удирдлагатай биечлэн уулзах хүсэлтээ илэрхийлэн Төрийн ордны баруун хаалган дээр мэдээлэл хийнэ.
- 11.40 цагт Хөвсгөл аймгийн Ханх суманд Монгол-Оросын “Эв модны наадам” эхэлнэ.
Энэ өдөр дэлхийн түүхэнд:
- 1961 оны энэ өдөр Их Британийн эзэн хаан Чарльзын анхны эхнэр Уэльсийн гүнж Дайна мэндэлж байжээ.
- 1917 онд Орост анх удаа зуны цагт шилжиж байжээ.
- 1921 онд Шанхай хотод 13 төлөөлөгч нар цугларч Хятадын Коммунист намыг байгуулжээ.
- 1991 онд Праг хотод Варшавын гэрээний байгууллага үйл ажиллагаагаа зогсоож буй тухай Протоколд гишүүн орнууд гарын үсэг зуржээ.
- 1997 онд Хонг Конгийг Их Британий захиргаанаас БНХАУ-ын кахиргаанп шилжүүлсэн байна.
- 2008 оны 7 сарын 1-нд Монголд МАН-ыг эсэргүүцэх жагсаал болж, 5 хүн буудуулан нас барсан.
