Саудын Арабын “Аль-Наср” багт тоглож буй К.Роналду дөрвөн өөр лигийн улирлын мэргэн бууч болсон түүхэн дэх анхны хөл бөмбөгчөөр тодорлоо.
Португалын супер од Испанийн Ла лиг, Италийн Сери-А, Английн Премьер лиг, Саудын Арабын аварга шалгаруулах тэмцээний мэргэн бууч болоод байна. “Би дээд амжилтын араас хөөцөлддөггүй. Дээд амжилт л миний араас явдаг юм” хэмээн К.Роналду ярьжээ. Ташрамд дурдахад, тэрбээр “Реал” багт тоглож байхдаа лигийн шилдэг мэргэн буучаар гурвантаа тодорч байв.
К.Роналду энэ улиралд “Аль-Наср”-ын төлөө 35 гоол оруулж, 11 гоолын дамжуулалт өгчээ. Харамсалтай нь, түүний баг лигтээ 82 оноо авч, дэд байрт орсон юм.
Бэлтгэсэн Э.Манлайбаатар
