БНХАУ-ын Ханжоу хотод Азийн зуны спортын пара наадам тав дахь өдрөө болж байгаа бөгөөд өнөөдөр туялзуур сэлэмний эмэгтэйчүүдийн багийн төрөлд Монголын тамирчид өрсөлдлөө. Монголын багийн бүрэлдэхүүнд Б.Даваасүрэн, Д.Цолмон, Ж.Нарантунгалаг нар багтаж, БНСУ-ын багт (45:13) ялагдлаа.
Монголын сэлэмчдийн энэ наадмын хамгийн өндөр амжилтыг Д.Цолмон үзүүлэхдээ хоёр ялалт байгуулсан юм. Шөвгийн наймд шалгарсан энэ амжилтыг Монголын сэлэмчид Азийн наадамд өмнө нь үзүүлж байгаагүй билээ. Манай улсын эмэгтэй сэлэмчид өрсөлдөөнөө өндөрлүүлж байгаа бол маргааш эрэгтэй багийн төрөлд Н.Булган, Д.Даваасүрэн, Б.Пүрэвсүрэн нар өрсөлдөх юм.
Монгол Улсын баг "Ханжоу-2022" Азийн пара наадмаас хоёр алт, нэг мөнгө, гурван хүрэл медальтайгаар 44 орноос 17 дугаар байрт жагсаж байна.
