Шинжлэх ухааны салбарын 1921-2021 оны амжилт ололт, үйл ажиллагаа, нээлт, инноваци зэрэг 786 үйл явдлыг онцлон багтаасан “Шинжлэх ухааны хроник” түүхэн товчоон ном нь ШУА-ийн дэд ерөнхийлөгч Г. Чулуунбаатараар ахлуулсан судлаач, эрдэмтдийн оюуны хөдөлмөрийн үр шимээр бүтжээ.
Орчин цагийн шинжлэх ухааны салбар үүсч хөгжсөний түүхт 100 жилийн ойг тохиолдуулан бүтээсэн “Шинжлэх ухааны хроник” түүхэн товчоон номын дээжийг өнөөдөр БШУ-ны сайд Л.Энх-Амгаланд гардуулан өглөө. Энэхүү түүхэн товчоон ном нь 4 бүлэгтэй бөгөөд Монгол, Англи хосломол хэлээр хэвлэгджээ.
