Зэвсэгт хүчний 353 дугаар анги Агаарын цэргийн командлагчийн тушаалаар ангийн байрлалд, сургалтын материаллаг баазыг түшиглэн Зэвсэгт хүчний 303, 337, 353 дугаар ангийн нийт 20 алба хаагчийг 2022 оны нэгдүгээр сарын 03-21-ний өдрүүдэд "Цэргийн анхан шатны сургалт"-ыг амжилттай зохион байгуулж тус сургалтын төгсөлтийн үйл ажиллагаа боллоо.
Цэргийн анхан шатны сургалтын төгсөлтийн үйл ажиллагаанд Зэвсэгт хүчний 353 дугаар ангийн захирагч Ш.Аюурзана, ЗХЖШ-ын ахлагч, тэргүүн ахлагч Н.Баасан, Агаарын цэргийн командлалын ахлагч, тэргүүн ахлагч Н. Баттөмөр, Барилга, инженерийн удирдах газрын ахлагч, тэргүүн ахлагч Б.Эрдэнэчулуун нар оролцон ахлагч бие бүрэлдэхүүний эгнээнд элсэн орж буй шинэхэн мөрдэстэнгүүдэд цэргийн цол олголоо.
