Хөдөлмөр, нийгмийн хамгааллын яам, Эрүүл мэндийн яамтай хамтран листийг цахимжуулсан. Үр дүнд нь хөдөлмөрийн чадвар түр алдалт, жирэмсэн, амаржсны тэтгэмжийг олгох үе шатыг хөнгөвчилж жилд 1 тэрбум төгрөг хэмнэхээс гадна 300 мянган хүнд цаг зав, процессын хэмнэлт бий болжээ. Ташрамд дурдахад 2021 онд 65 мянган эх төрөхөөс өмнө ба дараа лист бичүүлж, 180 мянган иргэн Хөдөлмөрийн чадвар түр алдалтын тэтгэмж авсан байна. Хөдөлмөрийн чадвар түр алдалтын хувьд өмнөх оноос 66 мянган хүнээр илүү байсан нь Ковидын өвчлөлтэй холбоотой аж.
