Цагдаагийн ерөнхий газрын Хэвлэл мэдээллийн төвөөс өнгөрсөн хоногт бүртгэгдсэн нийт зөрчлийн талаар мэдээлэв. Тус байгууллагын 102 тусгай дугаарын утсанд өчигдөр 1787 дуудлага ирүүлжээ.
Үүний 1499 нь зөрчил байсан аж. Харин гэмт хэргийн шинжтэй 67, эрүүлжүүлсэн 167, хүний биед халдсан 76, архидан согтуурсан 65, хулгайн 21, гэр бүлийн хүчирхийллийн 92, согтуугаар авто машин жолоодсон 82, олон нийтийн газар зүй бусаар биеэ авч явсан 135, оршин суугчдын амгалан тайван байдал алдагдуулсан 102 тохиолдол бүртгэгдсэн байна.
