Коронавируст халдвараар өвчлөөд эдгэрсэн хүмүүс хоол хүнсэндээ ямар төрлийн бүтээгдэхүүнүүд хэрэглэх нь зохистой талаар Эрүүл мэндийн яамнаас дараах зөвлөмжийг гаргажээ. Бие махбодын сэргэх явцыг түргэсгэхийн тулд илчлэг, уураг, амин дэм, эрдэс бодисоор баялаг хоол хүнс хэрэглэхийг тус яамнаас зөвлөж байгаа юм. Тухайлбал, шар будаа, бүхэл үрийн гурил, цагаан идээ, жимс жимсгэнэ, хүнсний ногоо түлхүү хэрэглэх нь зүйтэй. Түүнчлэн өдөрт 8-10 аяга шингэн зүйл ууснаар бодисын солилцоог хэвийн явуулах, хордлого тайлах ач тустай. Харин шарсан тахиа, хуушуур, пирошки, жигнэмэг, нарийн боов хэрэглэхээс татгалзаарай.
