Өнөөдөр гадаа 7 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
5 дугаар сарын 10-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 130 дахь өдөр бөгөөд он дуусахад 235 хоног үлдлээ.
- Цаг агаар өдөртөө 7 хэмийн дулаан бол шөнөдөө -1 градус хүйтэн байх нь ээ. Мөн бага зэргийн хур тунадас орох юм байна.
- Билгийн тооллын 6, зургаан цагаан мэнгэтэй улаагчин хонь өдөр. Өнөөдөр үсээ авахуулах буюу засуулбал өнгө зүс сайжрах гэнэ. Энэ өдөр гахай жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2646.00 төгрөгтэй тэнцэж байгаа бол бусад валют болох рубль 41.00, юань 389.00, вон 2.26 төгрөг байна.
Өнөөдөр болох онцлох үйл явдлууд:
- MN мэдээллийн төвд 11.00 цагаас Монголын үндэсний морин уралдаан, уяачдын холбоо байгуулагдсан, цаашид баримтлах чиглэл, үйл ажиллагааныхаа талаар хэвлэлийн бага хурал зарлалаа.
- MN-Мэдээллийн төвд 11.30 цагаас “Хаврын баяр” улсын бүжгийн XXYIII их наадмын талаар зохион байгуулагч Монголын залуучуудын холбоо, Монголын бүжгийн зөвлөл, СУИС-ийн дэргэдэх “Натур продакшн” болон бусад дэмжигч байгууллагууд хамтран мэдээлэл хийнэ.
- Бичиг Соёл 2019 уран бүтээлийн үзэсгэлэн Монголын Урчуудын Эвлэлийн үзэсгэлэнгийн танхимд 16.00 цагаас нээгдэнэ.
- АН-ын төв байр 5 давхрын хурлын танхимд 11.00 цагаас АЭХ хэвлэлийн бага хурал зохион байгуулна.
- Соёлын Яам, Монголын Урлагийн Ажилтны Холбооны Шилдэг уран бүтээлийн шагналт, Монгол Улсын Соёлын Тэргүүний Ажилтан, Монголын Урчуудын Эвлэлийн Тэргүүний Ажилтан, Хөдөлмөрийн Гавьяаны Улаан Тугийн Одонт, Театрын ахмад зураач Жамсрангийн Ганбатын уран бүтээлийн үзэсгэлэн Монголын Театрын музейд 14.00 цагаас болно.
- "Fintech Summit - Opening Remarks" уулзалт Гадаад харилцааны яаманд 09.00 цагаас эхлэнэ.
- Үндэсний мэдээллийн төвд 10.30 цагаас иргэн Нямдаржаа:Богда Холдинг ХХК-ийн хууль бус үйл ажиллагаа, Богд Ар хорооллын 1730 өрхийн эрх ашгийг 15 жил хохироосон талаар ноцтой мэдээлэл хийнэ.Төрийн албан хаагчид холбоотой байж болзошгүй асуудлыг дэлгэнэ.
Энэ өдөр дэлхийн түүхэнд:
- 1949 онд Италийн нэрт загвар зохион бүтээгч Миуччиа Прада мэндэлжээ.
- 2013 онд АНУ-ын Нью-Йорк хотод дэлхийн худалдааны ихэр цамхагийн буурин дээр "One World" дэлхийн худалдааны төв ашиглалтад оров. Ингэснээр Хойд болон Өмнөд Америк тив дэх хамгийн өндөр барилга болсон юм.
- 2005 онд Гүрж улсад албан ёсны айлчлал хийсэн АНУ-ын Ерөнхийлөг Жорж В.Бушийг Тбилис хотод Гүржийн Ерөнхийлөгч Михайл Саакашвилитэй уулзах үеэр Владимир Арутюниан гэгч гар бөмбөгөөр амь насанд нь халдахыг завдав. Түүнд шүүхээр бүх насаар нь хорих ял оноосон билээ.
- 2002 онд ОХУ-ын Засгийн газарт АНУ-ын тагнуулын нууц мэдээллийг 1.4 сая ам.доллар бэлнээр, очир эрдэнэ зэргээр наймаалцсан нь тогтоогдсон Холбооны мөрдөх товчооны мөрдөгч Роберт Ханссенд бүх насаар нь хорих ял оноов.
- 1994 онд Өмнөд Африкын Ерөнхийлөгчөөр сонгогдсон Нелсон Мандела албан ёсны тангараг өргөснөөр тус улсыг удирдсан анхны хар арьст Ерөнхийлөгч болжээ.
- 1975 онд технологийн алдарт "Сони" компани анх удаагаа дүрс бичлэг тоглуулагчийг Япон улсад худалдаанд гаргажээ.
- 1962 онд алдарт Марвел зурагт комикс "Гайхамшигт Халк" комикыг олны хүртээл болгожээ.
