“Energy” контемпорари балет энэ сарын 27-нд тоглогдоно
Тус уран бүтээл таван шинэ бүжиг дэглээчийн найруулгаар бүтсэн бөгөөд Монголд анх удаа дэлхийн суут хөгжмийн зохиолч Антионо Вивалдийн “Дөрвөн улирал” зохиол дээр орчин цагийн контемпорари урсгалаар дэглэн найруулсанаараа онцлог юм. Комтемпорари урлагийн талаар тодотгоход модерн, пост модерн урлагуудын халаа болсон урлагийн чиглэл гэж судлаачид үздэг.
2023-04-05
Гар урлалын анхдугаар их наадам зохион байгуулахаар болжээ
Гар урлал гэхээр бэлэг дурсгалын эд зүйлс, түлхүүрийн оосор, арьс, ширэн эдлэл төдийгөөр ойлгох нь үеэ өнгөрөөжээ. Гар урлалыг амьдралынхаа зорилго болгосон уран бүтээлчид Занабазарын нэрэмжит Дүрслэх урлагийн музейд ирэх сард цугларах гэнэ. Тэд гар урлалын төрөл болох хөдрөг, зүймэл даавуун урлалын үнэ цэнийг өсгөх зорилгоор үндэсний хэмжээний томоохон уралдаан болох “Монголын хөдрөг ба урлалын анхдугаар их наадам-2023”-ыг зургадугаар сарын 1-3-нд дээрх музейн үзэсгэлэнгийн танхимд зохион байгуулахаар болжээ. Иргэд гар урлалыг өдөр тутмын амьдралдаа ашиглаж дадахад нь дэмжлэг үзүүлэх, гар урлалаар дамжуулан монгол өв соёлоо таниулан сурталчлах нь уг уралдааны зорилго аж.
2023-04-05
Соёлын төвд стандарт ханган ажиллахад Соёлын яам анхаарна
Соёлын яам, Төв аймгийн Соёл, урлагийн газар, Чингис хаан Үндэсний музейгээс хамтран Төв аймаг байгуулагдсаны түүхт 100 жилийн ойг тохиолдуулан "Соёлын төв-Соён гэгээрлийн төв" сургалт, мэргэжил арга зүйн зөвлөгөөнийг Чингис хаан Үндэсний музейд зохион байгууллаа. Сумдын соёлын төвийн үйл ажиллагааг сайжруулахад албан хаагчдын мэдлэг, мэргэжил ур чадварыг сайжруулах зорилго бүхий энэхүү сургалт, зөвлөгөөнд Төв аймгийн 27 сумын 170 гаруй ажилтан, албан хаагчид хамрагджээ.
2023-04-05
Зудын тухай ойлголтыг НҮБ-д хүргэсэн бүтээл
Баримтат гэрэл зургийн “Ц.Бат зориг” сангаас “Шинэ бүтээл-Хүмүүс” үзэсгэлэнг Урлагийн зөвлөлийн “Улаан гэр” галерейд өчигдөр нээлээ. 2001 онд ажил үүргээ гүйцэтгэж яваад цаг бусаар өөд болсон уран бүтээлчийн үйл хэргийг үргэлж лүүлэх зорилгоор уг үзэсгэлэнг гаргасан аж. Үзэсгэлэнд 30 уран бүтээлчийн тус бүр нэг зургийг залжээ. Мөн Ц.Батзориг агсны “Зуднаар” бүтээлийг дахин толилуулсныг бид онцолж байна. Энэхүү бүтээлийн талаар “Ц.Батзориг” сангийн гүйцэтгэх захирал Д.Даваанямаас тодрууллаа.
2023-04-04
Зэрэмдэглүүлсэн хүү "Инээмтгий хүн" болж, Монголоор "хэрнэ"
Францын алдарт зохиолч Виктор Хюгогийн туурвисан бүтээлүүдийн ноён оргил болох "Инээмтгий хүн" романыг "Рго" театрын залуу уран бүтээлчид зориглон барьж авч, тайзны бүтээл болгосон нь театр шүүмж, судлаачдын сэтгэлд торж чадлаа.
2023-04-03
Сайд Л.Энх-Амгалан багачуудад Рапунзел үлгэрийг ярьж өглөө
1967 оноос эхлэн Данийн үлгэрийн зохиолч Ханс Кристиан Андерсений төрсөн өдрийг буюу 04 дүгээр сарын 2-ныг хүүхдийн номын өдөр болгон тэмдэглэж иржээ. Түүний “Нугасны муухай дэгдээхэй”, “Эрэлхэг тугалган цэрэг”, Бяцхан лусын дагина”, “Ямх охин” “Шүдэнз зардаг бяцхан охин” зэрэг зохиолуудыг дэлхийн өнцөг булан бүрд хүүхдүүд амтархан уншдаг.
2023-04-02
“Дэлхийн хүүхдийн номын өдөр”-ийг тэмдэглэнэ
1967 оноос эхлэн жил бүрийн дөрөвдүгээр сарын 2-ны өдрийг “Дэлхийн хүүхдийн номын өдөр” болгон тэмдэглэсээр ирсэн. Данийн үлгэрийн зохиолч Ханс Кристиан Андерсен 1805 оны дөрөвдүгээр сарын 2-нд Дани улсын Оденсе хотноо төржээ. Түүний “Нугасны муухай дэгдээхэй”, “Эрэлхэг тугалган цэрэг”, Бяцхан лусын дагина”, “Ямх охин” “Шүдэнз зардаг бяцхан охин” зэрэг зохиолуудыг дэлхийн өнцөг булан бүрт хүүхдүүд амтархан уншдаг.
2023-04-01
“Бүүвэй” бүрэн хэмжээний кино бүтээжээ
“Promix sound” продакшн, “Red point” медиа, “Promix” фильм хамтран “Бүүвэй” уран сайхны кино бүтээжээ. Киноны найруулагчаар өнгөрсөн жил “Сорил” уран сайхны киног үзэгчдэд хүргэсэн Б.Батдэлгэр ажилласан байна.
2023-03-31
Пянзны шинэ эрин эхэлжээ
Морин хуурын чуулгынхан саяхан хэвлүүлж, авчирсан хос пянзны баяраа өнөөдөр хийнэ. Германд мастеринг хийлгэж, Нидерландад үйлдвэрлүүлсэн уг хос пянзны үнэ 300 мянган төгрөг аж. Гэсэн ч баярынхаа үеэр үнээ15 хувиар хямдруулан худалдах гэнэ. Мөн гитарчин Д.Өлзий-Орших “Өөжгий” хос пянзаа гаргаад байна. Мөн л ХБНГУ-д мастеринг хийж, Нидерландад үйлдвэрлэсэн тус пянз нь 350 000 төгрөгийн үнэтэй аж. Ер нь манайд пянзны шинэ эрин эхэлжээ. Хамтлаг, дуучид ч пянзаа гаргахыг илүүд үзэх болов. Мөн пянз сонирхогчдын дунд солилцоо, наймаа байнга явагддаг юм байна. Гадаадын орнуудад хөгжимчид, дуучид CD хийлгэхээ бараг больсон гэнэ. Үйлдвэрлэл нь улам бүр хумигдаж буй аж.
2023-03-31
АРАЙ Ч ДЭЭ! Т.Галсангийн бүтээлүүдийг танихын аргагүй болгожээ
Нийтийн дуучдын нэгдсэн холбоо гэж байдаг аж. Тэргүүн нь У.Далантай гавьяат. Монголын зохиолчдын эвлэлээс уг байгууллагын нэр дээр өчигдөр шаардах бичиг хүргүүлжээ. Үүнд “Дуучин Д.Амарсайхан, Ж.Солонго нар “On” телевизээр энэ оны хоёрдугаар сарын 12-ны 20.10 цагаас нэвтрүүлсэн “Хос уянга” теле концертдоо Ардын уран зохиолч Т.Галсангийн гурван дууны шүлгийг хольж, нэг болгон дуулахдаа шүлгийг Ж.Бадраа хэмээн ташаарчээ. Бүхний танил бүтээлүүдэд санаатайгаар халдаж, зохиогчийг нь үгүйсгэн гуйвуулах нь хуулиар шүүн хэлэлцэх хэмжээний оюуны өмчийн гэмт хэрэг билээ. Зохиосон шүлгийг нь яруу найрагч, хөгжмийн зохиолчийнх нь зөвшөөрөлгүйгээр бадаг, мөрөөр таслан авч, дур мэдэн ашигласан, мөн шүлгийг өөр хүний нэрээр зарласан үйлдэлдээ дуучин Д.Амарсайхан, Ж.Солонго нар тайлбар өгч, эн тэргүүнд яруу найрагч Т.Галсангаас уучлалт гуйн, тарьсан будилаанаа хэвлэлийн бага хурал хийн, олон нийтэд мэдээлж залруулахыг Монголын зохиолчдын эвлэл шаардаж байна” гэжээ
2023-03-30
“Тамгагүй төр” жүжиг хоёр “Мөнгөн мод”-той боллоо
Засгийн газраас 2022 оны шилдэг уран бүтээлч, уран бүтээлийг 14 дэх жилдээ шалгаруулан “Мөнгөн мод” цом олгож, мөнгөн шагналаар урамшууллаа. Ёслол ДБЭТ-т уржигдар үдэш болсон юм. Зохион байгуулагч нь Засгийн газрын хэрэгжүүлэгч агентлаг Соёл урлагийн газар. Соёлын өв, ном хэвлэл, дуу хөгжим, тайзны, дүрслэх, кино урлаг, нийтлэл нэвтрүүлэг, цахим бүтээл, архитектур, хувцас загвар, зар сурталчилгаа, дизайн гэсэн 12 төрлөөр шилдэг бүтээлийг тодруулсан. Харин шилдэг уран бүтээлчийг найруулагч, зураач, зохиолч, хөгжмийн зохиолч, продюсер, удирдаач, бүжиг дэглээч, жүжигчин, хөгжимчин, дуучин, бүжигчин, судлаач гэсэн 12 төрлөөр шалгаруулсан юм. Эхний ангилалд 95 субъект, харин дараагийнхад 82 уран бүтээлч өрсөлдөхөөр мэдүүлгээ өгсөн бөгөөд27 хүний бүрэлдэхүүнтэй шүүх баг дараах байдлаар шийджээ.
2023-03-29
“Жононхар” морин хуурын музей аялал жуулчлалынхныг урилаа
“Моринхуур” төвийн дэргэдэх “Жонон хар” музей ирэх сарын1-нд аялал жуулчлалынханд үйл ажиллагаагаа танилцуулахаар төлөвлөжээ. Манай улс аялал жуулчлалыг идэвхжүүлэх, бүтээгдэхүүн, үйлчилгээнийхээ нэр, төрлийг олшруулах чиглэлд анхаарч эхэлсэнтул тур оператор, аяллын агентлагуудтай хамтын ажиллагаагаа өргөтгөх зорилгоор ийм санаачилга гаргасанаж.
2023-03-28
Галд өртсөн уран зургуудыг сэргээж байна
Уран зураг сэргээн засварлах лаборатори байгуулах, сэргээн засварлагч мэргэжилтнүүдийг бэлтгэх төсөл нь Холбооны Бүгд Найрамдах Герман (ХБНГУ)-ын Гадаад хэргийн яамны Соёлын өвийг хадгалан хамгаалах хөтөлбөрийн хүрээнд 100 мянган еврогийн санхүүжилтээр 2022 онд эхлүүлсэн аж.
2023-03-28
ТАНИЛЦ: “Мөнгөн мод-2022” наадмын шилдгээр хэн хэн тодров
Оны шилдэг уран бүтээлч, уран бүтээл тодруулдаг “Мөнгөн мод” шагнал гардуулах ёслолын ажиллагаа УБДЭТ-т өчигдөр үдэш болж, шилдгүүдээ тодруулав. “Мөнгөн мод-2022” наадмаар шилдэг уран бүтээлчдийг найруулагч, зураач, зохиолч, хөгжмийн зохиолч, продюсер, удирдаач, бүжиг дэглээч, жүжигчин, хөгжимчин, дуучин, бүжигчин, судлаач гэсэн 12 төрлөөр шалгаруулж, мөнгөн мод цом, мөнгөн шагнасан.
2023-03-28
“Ядмаг биш амьд театртай болъё”
Тэд театрын урлагийн ололт амжилт, ирээдүйд засаж сайжруулах зүйл, цаашдаа хүрэх зорилтын талаар ил тод ярилцаж мэтгэлцсэн билээ. Тодорхой хэлбэл, “Өнөөдрийн үзэгчдийн сэтгэлийг татахаас илүү агуулга дээр төвлөрч, ирээдүйд өв үлдээх хэрэгтэй”, “Оюутан нь ихэссэн. Ангид багтахгүй А, Б, С гээд групп болоод хичээллэж байна. СУИС онцгой байх ёстой...” гэх зэргээр мэтгэлцэнэ. Товчхондоо, сайн муугаа ярилцаж, театрын ирээдүйг харж, ярилцлаа. Харамсалтай нь, эл уулзалт хэлэлцүүлэгт Соёлын яамны төлөөлөл ирсэнгүй, уран бүтээлчдийнхээ үгийг сонссонгүй.
2023-03-27
Хүннүчүүдийн шүтлэг бишрэлийг илэрхийлэх олдворуудыг танилцууллаа
ШУТИС-ийн археологийн судалгааны багийнхан Завхан аймгийн Алдархаан сумын Ямаан-Ус гэх газраас Хүннү гүрний үед холбогдох олон дурсгал илрүүлжээ. Тус сургуулийн багш, доктор Д.Хатанбаатар, докторант Ж.Мөнхдэлгэр тэргүүтэй судалгааны багийнхан дээрх газраас олсон олдворуудаараа өнгөрөгч баасан гарагт “Ямаан-Усны археологийн судалгаа” үзэсгэлэн гаргалаа. Тэд өнгөрсөн жилийн хайгуулынхаа үр дүнд 154 дурсгал илрүүлжээ. Үүнээс 42 нь Хүннүгийн сурвалжит язгууртны төрөлд хамаарах, үүдэвч бүхий дурсгал аж. Мөн Хүннүгийн жирийн иргэдийн булш, оршуулгын цогцолбор зэрэг 400 орчим дурсгал нэмж илрүүлсэн байна. Эдгээр ажлынхаа үр дүнд эрдэмтэд тус бүс нутагт Хүннүгийн томоохон суурин байсныг нотлох, судалгааны өндөр ач холбогдолтой нээлт хийжээ. Түүнчлэн тэдний илрүүлсэн дурсгалууд нь оршуулгын зан үйл, булшны бүтэц, зохион байгуулалтыг судлахад чухал хэрэглэгдэхүүн болох гэнэ. Энэ нь Хүннүгийн язгууртны булш Монгол орны нутгаас олдсон 10 дахь тохиолдол юм байна.
2023-03-27
