Өнөөдөр гадаа 18 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Наймдугаар сарын 09-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 222 дахь өдөр бөгөөд он дуусахад 144 хоног үлдлээ.
- Цаг агаар өдөртөө 18 хэмийн дулаан бол шөнөдөө 12 градус дулаан байх нь ээ.
- Билгийн тооллын 5, Тугчин одтой, хөхөгчин могой өдөр. Сумъяа гараг. Өдрийн наран 5 цаг 40 минутад мандан, 20 цаг 16 минутад жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр ан гөрөө хийх, мал, адгуус муулах, угаал үйлдэх, тангараг тавих, гэр бүрэхэд сайн. Хэрүүл тэмцэл хийх, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш зүгт мөрөө гаргавал зохистой. Үс шинээр үргээлгэх буюу засуулбал эд мал баялаг төгөлдөр болно.
- Валют арилжааны төвд ам.долларын авах ханш 3387.00 төгрөг, зарах нь 3393.00 төгрөг байна. Харин рублийн авах ханш 37.00, зарах ханш 38.80, юанийн авах ханш 462.00, зарах ханш 468.20, вонийн авах ханш 2.43, зарах ханш 2.45 төгрөг байна.
Өнөөдөр болох онцлох үйл явдлууд:
- ШИНЭ НЭГДСЭН ЭВСЭЛ, ҮНЭН БА ЗӨВ намаас 207,000 сонгогчийн сонгох эрхийг хамгаалахаар 2024.07.01-ний өдөр Үндсэн хуулийн цэцэд хандан гомдол гаргасан билээ. Уг гомдлыг ҮХЦ хянан үзэж, маргаан үүсгэх шийдвэр гаргасантай холбогдуулан ШИНЭ нам 11.00 цагт хэвлэлийн хурал хийнэ.
- 13.00 цагт Гандантэгчэнлин хийдийн Батцагаан цогчэн дуганы А танхимд МБШ Төв- Гандантэгчэнлин хийд Дүйнхорын ван буюу Цогт цагийн хүрдэний их авшгийг Монголчуудын язгуур үндэсний багш Жадо Ринбүчи дээдэс айлдах болсонтой холбогдуулан хэвлэлийн бага хурал зарлалаа.
Энэ өдөр дэлхийн түүхэнд:
- 1930 оны энэ өдөр Нил Армстронг Америкийн сансрын нисгэгч мэндэлж байжээ.
- 1847 онд Өрнө Африкийн Либери улс тусгаар тогтнолоо зарлан тунхагласан.
- 1868 онд Франц улс Номхон далайн өмнөд талын Таити арлыг өөрийн мэдэлд авсан.
- 1945 онд Германы Потсдам хотноо болсон бага хурлын хүрээнд Потсдамын тунхаг үзэглэгдсэн.
- 1957 онд Гватемал улсын цэргийн дэг тогтоогч Карлос Кастильо Армас алагдсан.
